མ་ཆོས་གྲོང་མིའི་སེམས་ནང་གི་སྙིང་ཉེ་ཤོས་ཀྱི་མི།

གསར་འགྱུར་སྤེལ་དུས། 　【2022-04-26 09:00:00】

རི་བོ་ཆེ་རྫོང་གངས་གཟེ་ཤང་མ་ཆོས་གྲོང་ཚོ་ནི་ཟླ་ཆུའི་ཆུ་ཕྲན་འཛི་ཆུའི་འགྲམ་དུ་གནས་པ་དང་འབྲོག་ལས་རྐྱང་པའི་གྲོང་ཚོའི་ཁོངས་སུ་གཏོགས་ཤིང་། ས་བབ་མཐོ་ཚད་སྨི་4400ཙམ་ཡོད། ལོ་གཅིག་ནང་གྲོང་ཚོ་ཧྲིལ་པོའི་དུས་ཚོད་མང་ཆེ་བ“གངས་འཁྱག་གཡོགས་པའི་”དུས་ཚིགས་སུ་འགྱུར་བཞིན་ཡོད། 2021ལོའི་ཟླ་4པར་རི་བོ་ཆེ་རྫོང་གངས་གཟེ་ཤང་མི་དམངས་སྲིད་གཞུང་གི་བཀྲ་ཤིས་དབང་རྒྱལ་དང་། བསྟན་འཛིན་འཕྲིན་ལས། རི་བོ་ཆེ་རྫོང་གྲོང་ཁྱེར་དོ་དམ་ཅུས་ཀྱི་ཚུལ་ཁྲིམས་རྒྱལ་མཚན་བཅས་ལས་གྲུབ་པའི་གྲོང་ཚོར་བཅའ་སྡོད་ལས་དོན་རུ་ཁག་ཁག་བཅུ་པ་དེ་གར་འབྱོར།

གྲོང་ཚོར་བཅའ་སྡོད་ལས་དོན་རུ་ཁག་གིས་དུད་ཚང་དུ་བཅར་འདྲིར་སྐྱོད་སྐབས་འཕྲིན་གཏོང་བརྡ་རྟགས་བརྟན་པོ་མེད་པ་དེ་ནི་གྲོང་མི་ཚོར་འཕྲད་པའི་དཀའ་ངལ་ཤོད་ཞིག་ཡིན་པས། “འཕྲིན་གཏོང་གི་དཀའ་གནད”ཐག་གཅོད་མཐར་ཕྱིན་པ་བྱ་ཆེད། གྲོང་ཚོའི་ཏང་ཀྲི་པུའུ་དང་གྲོང་ཚོ་བཅའ་སྡོད་ལས་དོན་རུ་ཁག་གིས་བརྟག་ཞིབ་ཡང་ཡང་དང་འབྲེལ་ཡོད་གཉེར་སྐྱོང་ཚོང་པ་དང་འབྲེལ་གཏུག་ཧུར་ཐག་བྱས་ཏེ་མཐར་མ་ཆོས་གྲོང་ཚོར“བརྡ་རྟགས་ཀྱི་འབྲེལ་བ་ཆད་པ”ནས་“བརྡ་རྟགས་ཡོད་པར་”མངོན་འགྱུར་བྱུང་ནས་མང་ཚོགས་ཀྱིས་འགྱུར་ལྡོག་དེ་རིགས་ལ་བསྔགས་བརྗོད་ཡང་ཡང་ཐོབ་པ་རེད། མ་ཆོས་གྲོང་ཚོའི་འགྲོ་ལམ་ལོ་མང་རིང་ཉམས་གསོ་མ་བྱུང་བ་དང་ལྷག་པར་དུ་གངས་འཁྱགས་ཀྱིས་ཁྱབ་པའི་དགུན་དུས་སུ་བདེ་འཇགས་ཀྱི་མངོན་མེད་རྐྱེན་ངན་ཐོན་གྱི་ཡོད། གནད་དོན་དེ་གྲོང་མི་མང་པོའི་སེམས་ནད་ཅིག་ཏུ་གྱུར་ཡོད། དེར་བརྟེན་གྲོང་ཚོའི་ཏང་ཀྲི་པུས་གྲོང་ཚོར་བཅའ་སྡོད་ལས་དོན་རུ་ཁག་དང་མཉམ་དུ་ཀྲི་པུས་སྒྲིག་འཛུགས་དང་། ཏང་ཡོན་གྱི་སྣེ་ཁྲིད། མང་ཚོགས་ཞུགས་པ་བཅས་ཀྱི་བྱེད་ཐབས་སྤྱད་དེ་ཐུན་མོང་ཐོག་གྲོང་ཚོའི་འགྲོ་ལམ་ཉམས་གསོ་བྱས་པ་དང་ཟླ་བ་གཅིག་རིང་འབད་འཐབ་བྱས་པ་བརྒྱུད་འདམ་རྫབ་ལམ་དེ་ད་ཆའི་ཤར་བགྲོད་ལམ་ཞིག་ཏུ་གྱུར་ཡོད།

ཏང་དང་མང་ཚོགས་དབར་གྱི་འབྲེལ་བ་སྔར་བས་ཟབ་ཏུ་གཏོང་ཆེད། གྲོང་ཚོར་བཅའ་སྡོད་གྲོང་ཚོའི་ཏང་ཀྲི་པུའུ་དང་གྲོང་ཚོར་བཅའ་སྡོད་ལས་དོན་རུ་ཁག་གིས“མང་ཚོགས་ཁྲོད་ནས་ཡོང་བ་དང་མང་ཚོགས་ཁྲོད་བསྐྱོད་པའི”ལས་ཀའི་བྱེད་ཐབས་མཐའ་འཁྱོངས་བྱས་ཏེ་རང་ངོས་ཀྱི་ལས་ཀའི་དཀའ་ཚེགས་སྟོན་གྲངས་དེ་མང་ཚོགས་ཀྱི་སེམས་ནང་གི་བདེ་སྐྱིད་སྟོན་གྲངས་ལ་འགྱུར་བ་ཧུར་ཐག་བྱས་ནས་འབྲེལ་ཡོད་སྡེ་ཚན་དང་མཐུན་སྦྱོར་ཧུར་ཐག་བྱས་ཏེ་གྲོང་ཚོ་རིམ་པའི་བྱེད་སྒོ་སྤེལ་ཡུལ་དུ་གཞུང་ལས་སྒྲིག་ཆས་དང་ལུས་སྦྱོང་སྒྲིག་ཆས་བཀོད་སྒྲིག་བྱས་པ་རེད། ད་ཆ་མ་ཆོས་གྲོང་ཚོའི་ལྟ་ཞིབ་ཨུ་ལྷན་གྱི་ཀྲུའུ་རེན་ཀུན་བཟང་ཉི་མས་ཀྱང་ཉིན་ལྟར་རྒྱལ་ཁབ་ཀྱི་སྤྱི་སྤྱོད་སྐད་ཡིག་སློབ་སྦྱོང་བྱ་རྒྱུ་མཐའ་འཁྱོངས་བྱས་པས་ཁ་སྐད་ཀྱི་ཆུ་ཚད་མཐོ་རུ་ཕྱིན་ཡོད།

ལོ་ཕྱེད་ཙམ་བཅར་འདྲི་བསྐྱོད་པ་བརྒྱུད་གྲོང་ཚོར་བཅའ་སྡོད་ལས་དོན་རུ་ཁག་གིས་གྲོང་ཚོའི་གནས་ཚུལ་ནི་རང་ཁྱིམ་གྱི་ནོར་བུ་བརྩིས་པ་ལྟར་རྒྱུས་ཡོད་ལ། ལས་དོན་སྤེལ་རྒྱུར་བྱང་ཆུབ་པ་འགྱུར་ཡོད། གྲོང་མིའི་དགོས་མཁོ་དང་ཟུང་འབྲེལ་བྱས་ཏེ་དང་བླངས་ཞབས་ཞུ་རུ་ཁག་ཆེད་མངགས་བཙུགས་ནས་དཔྱིད་ཀར་ངལ་རྩོལ་ནུས་ཤུགས་མི་འདང་བའི་ཁྱིམ་ཚང་གི་རྨོ་ཞིང་དང་སོན་འདེབས་ལ་རོགས་རམ་བྱས་པ་དང་། དགུན་ཁར་དཀའ་ངལ་ཡོད་པའི་ཁྱིམ་ཚང་གི་མང་ཚོགས་ལ་མེ་ཤིང་གཤགས་ནས་ཆུ་ལེན་རོགས་བྱས་པ། གྲོང་ཚོར་བཅའ་སྡོད་ལས་དོན་རུ་ཁག་གིས་ཕྱོགས་མང་པོའི་ཐད་མཐུན་སྦྱོར་བྱས་པ་མ་ཟད། ད་དུང་གྲོང་ཚོའི་དབང་པོ་སྐྱོན་ཅན་ལ་དགོས་མཁོ་ཆེ་བའི“རྐུབ་སྟེགས་འཁོར་ལོ་ཅན་”དང་། སྟབས་བདེའི་གཅིན་གཞོང་། ལག་བརྟེན་སོགས་འཚམས་འདྲི་དངོས་པོ་བསྐྱལ་ཡོད། མ་ཆོས་གྲོང་ཚོའི་གྲོང་ཚོ་ཨུ་ལྷན་གྱི་ཀྲུའུ་རེན་གཞོན་པ་ཚེ་དབང་རྒྱལ་མཚན་གྱིས་དྲིན་ཚོར་བཞིན་བཤད།“འཚམས་འདྲིའི་དངོས་པོ་དེ་དག་གྲོང་ཚོའི་དབང་པོ་སྐྱོན་ཅན་གྱི་ངོས་ནས་བརྗོད་ན་དངོས་འབྲེལ་གངས་འབབ་པའི་སྐབས་སུ་མེ་ཤིང་སྐྱེལ་བ་ཞིག་རེད། ཁོང་ཚོས་གྲོང་ཚོར་བཅའ་སྡོད་ལས་དོན་རུ་ཁག་ལ་ཐུགས་རྗེ་ཆེ་ཞུ་རྒྱུ་ཡིན”ཞེས་བཤད།

གཞི་རིམ་ཏང་ཀྲི་པུས་ནུས་པ་དེ་བས་ལེགས་པའི་སྒོ་ནས་འདོན་སྤེལ་བྱ་ཆེད། གྲོང་ཚོར་བཅའ་སྡོད་ལས་དོན་རུ་ཁག་གིས་གྲོང་ཚོ་དེ་ནས་ཏང་ནང་ཞུགས་མཁན་ཧུར་བརྩོན་ཅན་4གསར་དུ་འཕེལ་རྒྱས་བཏང་བ་དང་། གྲོང་གསེབ་དར་རྒྱས་ཀྱི་ཆེད་ལས་འཕྲིན་ལས་ཡི་ཤེས་ཀྱིས་ཀྱང་ན་ནིང་ཏང་ཞུགས་རེ་ཞུའི་ཡི་གེ་ཕུལ་བ་རེད། ད་ཆ་གྲོང་ཚོ་དེ་ཡོངས་ཀྱི་ཞིང་འབྲོག་པའི་ཏང་ཡོན་22ཀྱིས“སྣེ་ཁྲིད་པ”ལྟར་གྲོང་ཚོའི་ལས་དོན་ནང་ཧུར་ཐག་ཞུགས་བཞིན་ཡོད། གྲོང་མི་བསམ་གཏན་དཔའ་མོས་གྲོང་ཚོའི“ཨུ་ལྷན་གཉིས”དང་གྲོང་ཚོར་བཅའ་སྡོད་ལས་དོན་རུ་ཁག་གི་འོས་སྦྱོར་འོག་ན་ནིང་གྲོང་ཚོའི་ནང་གི་ཏང་ནང་ཞུགས་མཁན་ཧུར་བརྩོན་ཅན་ཞིག་ཏུ་གྱུར་ཡོད།

ཁོང་ཚོས་རྟག་ཏུ་གདོང་ལ་ཐལ་བས་ཁེངས་པ་དང་ཉི་མས་འཚིག་ནས་ངོ་གདོང་ནག་པོར་གྱུར་ཡོད་མོད། འོན་ཀྱང་གྲོང་མིའི་སེམས་ནང་ཁོང་ཚོ་ནི“སྙིང་ཉེ་ཤོས་ཀྱི་མི་ཞིག་རེད”ཅེས་བཤད།

“གྲོང་ཚོར་བཅའ་སྡོད་ལས་དོན་རུ་ཁག་གིས་ང་ཚོའི་གྲོང་ཚོའི‘ཨུ་ལྷན་གཉིས’ལ་གཞོགས་འདེགས་བྱས་ནས་མི་སེར་ཚོར་བྱ་བ་དངོས་དང་བྱ་བ་བཟང་པོ་མང་པོ་བསྒྲུབས་ཏེ་ཀྲུང་ཧྭ་མི་རིགས་ཀྱི་གཅིག་མཐུན་འདུས་གྲུབ་ཀྱི་འདུ་ཤེས་སྔར་བས་ཟབ་ཏུ་བཏང་ནས་མ་ཆོས་གྲོང་ཚོའི་ཐོན་ལས་སྔར་བས་འཕེལ་རྒྱས་དང་། ཁོར་ཡུག་སྔར་བས་མཛེས་པ། གྲོང་མང་ཚོགས་ཀྱི་ཐོབ་སྣང་དང་། སྐྱིད་སྣང་། བདེ་འཇགས་ཚོར་སྣང་བཅས་མངོན་གསལ་དོད་པོས་ཟབ་ཏུ་ཕྱིན་ཡོད”ཞེས་བཤད། ལོ་གཅིག་རིང་གྲོང་ཚོར་བཅའ་སྡོད་ལས་དོན་རུ་ཁག་གིས་གྲོང་ཚོའི“ཨུ་ལྷན་གཉིས”དང་མཉམ་འབྲེལ་ཐོག་དང་བླངས་ཞབས་ཞུ་རུ་ཁག་དང་སྲིད་ཇུས་དྲིལ་བསྒྲགས་རུ་ཁག་བཙུགས་ནས་གོམས་སྲོལ་བསྒྱུར་རྒྱུ་དྲིལ་བསྒྲགས་ཤུགས་ཆེན་བྱས་པ་དང་། འཕྲོད་བསྟེན་དཔྱད་བསྡུར་དང་ཡ་རབས་དཔྱད་བསྡུར་སོགས་ཀྱི་བྱེད་སྒོ་ཧུར་ཐག་སྤེལ་བ་དང་གཞི་རིམ་ཏང་འཛུགས་སྐྱོང་དང་། གྲོང་གསེབ་དར་རྒྱས། སྤྱི་ཚོགས་བཅོས་སྐྱོང་སོགས་ཀྱི་ལས་དོན་ཚང་མ་ཤང་དེ་ཡོངས་ཀྱི་མདུན་གྲལ་དུ་སླེབས་པ་དང་མིང་དོན་མཚུངས་པའི་སྒོ་ནས་རིམ་པ་སྤོར་ཡོད། ད་ཆའི་མ་ཆོས་གྲོང་ཚོའི་ཀྲི་པུའི་ཏང་འཛུགས་ལས་དོན་ཏན་ཏིག་དང་། ཏང་ཡོན་གོ་རྟོགས་མཐོ་བ། མང་ཚོགས་བརྩི་བསྲུང་བཅས་ཀྱིས་རི་བོ་ཆེ་རྫོང་གངས་གཟེ་ཤང་གི་སྔོན་ཐོན་གྲོང་ཚོར་གྱུར་ཡོད།