ང་དང་དགེ་དབར་གྲོང་ཚོའི་བར་གྱི་གཏམ་རྒྱུད།

གསར་འགྱུར་སྤེལ་དུས། 　【2022-05-10 09:00:00】

དགེ་དབར་གྲོང་ཚོ་ནི་རྒྱལ་མོ་རྔུལ་ཆུའི་ལུང་ཤུར་དུ་གནས་པ་དང་། མཛོ་སྒང་རྫོང་གྲོང་དང་བར་ཐག་སྤྱི་ལེ་90ཡོད། 2021ལོའི་ཟླ་4པའི་ཟླ་མགོར། མཛོ་སྒང་རྫོང་སྟོབས་འབར་ཤང་ཆབ་མདོ་གྲོང་ཁྱེར་འགྲིམ་འགྲུལ་སྐྱེལ་འདྲེན་ཅུས་དགེ་བ་གྲོང་ཚོར་བཅའ་སྡོད་ལས་དོན་རུ་ཁག་ཁག་བཅུ་པའི་རུ་དཔོན་ཏིང་ཞའོ་ལུང་གིས་རྩ་འཛུགས་ཀྱི་མངགས་བཅོལ་དང་ཡིད་ཆེས་འཁྱེར་ནས་དགེ་དབར་གྲོང་ཚོར་ཡོང་།

གྲོང་ཚོར་བཅའ་སྡོད་ལས་དོན་རུ་ཁག་དང་། གྲོང་ཚོའི“ཨུ་ལྷན་གཉིས”ཧྲུའུ་ཅི་དང་པོ་བཅས་ཀྱི་གཞོགས་འདེགས་འོག་དགེ་དབར་གྲོང་ཚོར་འགྱུར་ལྡོག་མངོན་གསལ་ཕྱིན་པ་དང་། གྲོང་སྲོལ་དམངས་ཆིངས་སྔར་བས་འཐུས་ཚང་དུ་སོང་བ། རྩ་འཛུགས་འཚོ་བའི་ལམ་ལུགས་སྔར་བས་ཚད་ལྡན་དུ་ཕྱིན་པ། ཏང་འཛུགས་རིག་གནས་ལམ་ལུགས་ཀྱི་གྱང་ཐོག་ལས་དོན་བདེ་བླག་ངང་ལེགས་སྒྲུབ་བྱུང་བ། ཏང་ཡོན་གྱིས་མང་ཚོགས་ལ་འབྲེལ་གཏུག་དང་ཞབས་འདེགས་ཞུ་བའི་ལས་དོན་སྔར་བས་དོན་ཐོག་ཏུ་འཁྱོལ་བ། མང་ཚོགས་ཀྱིས་རྒྱལ་ཁབ་ཀྱི་སྤྱི་སྤྱོད་སྐད་ཡིག་ཤེས་རྟོགས་ཐུབ་ཚད་མངོན་གསལ་དོད་པོས་མཐོ་རུ་བཅས་ཕྱིན་ཡོད།

གཞི་རིམ་རྩ་འཛུགས་འཛུགས་སྐྱོང་ལ་རྒྱུན་ཆད་མེད་པར་ཤུགས་སྣོན་རྒྱག་ཆེད། ཏིང་ཞའོ་ལུང་གིས“ཏང་གི་ལོ་རྒྱུས་སློབ་སྦྱོང་སློབ་གསོ”དང“ངས་མང་ཚོགས་ཀྱི་ཆེད་དུ་བྱ་བ་དངོས་སྒྲུབ་པ”དེ་མི་སེམས་ལ་ཟུག་པ་དང་། མི་སེམས་དྲོ་བ། མི་སེམས་བརྟན་པོ་ཡོང་བ་བཅས་ཀྱི་ཆབ་སྲིད་ཀྱི་ལས་དོན་གལ་ཆེན་ཞིག་ལ་བརྩིས་ནས་དམ་འཛིན་བྱས་པ་རེད། དུད་ཚང་དུ་བསྐྱོད་སྐབས་ཏིང་ཞའོ་ལུང་གིས་གྲོང་མི་ཚོས་དོ་ཁུར་ཆེ་ཤོས་བྱེད་པ་ནི་འཕྲུལ་རྟ་ལ་གཏོར་སྐྱོན་ཕོག་པ་དང་སྤྱོད་ཆུ་དཀོན་པ་དེ་ཡིན་པ་དང་གནད་དོན་དེ་དག་གིས་གྲོང་མི་ཚོའི་རྒྱུན་གཏན་གྱི་ཐོན་སྐྱེད་དང་འཚོ་བར་ཤུགས་རྐྱེན་ཚབས་ཆེན་བཟོས་ཡོད། གྲོང་ཚོར་བཅའ་སྡོད་ལས་དོན་རུ་ཁག་གིས་གྲོང་ཚོའི“ཨུ་ལྷན་གཉིས”དང་མཉམ་དུ་ཕྱོགས་ཁག་གི་སྟོབས་ཤུགས་དང་མཐུན་སྦྱོར་ཧུར་ཐག་བྱས་ནས་ཟླ་བ་གཉིས་ལྷག་ཙམ་ནང་དགེ་དབར་གྲོང་ཚོར་ཉམས་གསོའི་མ་དངུལ་སྒོར་ཁྲི་6དང་ཨར་འདམ་ཏུན་5རག་ཐབས་བྱས་པ་རེད།

ད་ཆ་གྲོང་མི་སྐལ་བཟང་བསྟན་སྒྲོལ་གྱི་ཁྱིམ་དུ་སོང་ན་དྭངས་ཤིང་གཙང་བའི་ཆུ་མཐོང་ཐུབ། གྲོང་ཚོ་ཡོངས་ཀྱི་རྒྱུན་ལྡན་གྱི་འཐུང་ཆུ་དང་ཞིང་ཆུ་འདྲེན་དཀའ་བའི་དཀའ་ངལ་སེལ་ཆེད། ཏིང་ཞའོ་ལུང་གིས་ལོ་ཕྱེད་ཙམ་གྱི་རིང་མཐུན་སྦྱོར་ཐེངས་མང་བྱས་པས་དགེ་དབར་གྲོང་ཚོའི་མི་ཕྱུགས་ཀྱི་འཐུང་ཆུའི་ལས་གྲྭ་བསྐྲུན་ཟིན་པ་མ་ཟད། ད་དུང་ཞིང་ཁའི་ཆུ་འདྲེན་མ་ལག་འཛུགས་སྐྲུན་རྣམ་གྲངས་དེ་མཛོ་སྒང་རྫོང་རིམ་པའི་སྡེ་ཚན་གྱི་འཆར་འགོད་ནང་འཇུག་རྒྱུའི་བརྩོན་ལེན་ཡང་བྱས་པ་རེད།

ལས་ཞོར་དུ་ཏིང་ཞའོ་ལུང་གིས་དཔེ་དེབ་མང་པོ་བཀླགས་ནས་གྲོང་གསེབ་ཀྱི་ལས་དོན་ལ་ངོས་འཛིན་བྱེད་པའི་ཆུ་ཚད་དང་དོ་དམ་གྱི་ནུས་པ་རྒྱུན་ཆད་མེད་པར་ཆེ་རུ་བཏང་ཞིང་། ཁོས《ཞི་ཅིན་ཕིང་གི་ལོ་བདུན་རིང་གི་གཞོན་ནུ་ཤེས་ཡོན་ཅན་གྱི་ལོ་ཟླ》ཞེས་པ་བཀླགས་པས་རང་ཉིད་ཀྱི་བློ་སྒོ་ཆེས་ཆེར་ཕྱེས་པ་དང་། རང་ཉིད་ཀྱི་དམིགས་ཡུལ་ཡང་སླར་ཡང་བརྟན་དུ་བཏང་བའི་ཁར་གདེང་ཚོད་ཀྱིས་ཁེངས་ཡོད།