དྭངས་ཤིང་གཙང་བའི་རི་ཆུ་ཀླུང་གསུམ་སྲུང་སྐྱོང་བྱེད་དགོས།——ཆབ་མདོ་གྲོང་ཁྱེར་གྱིས་སྐྱེ་ཁམས་ཤེས་དཔལ་འཛུགས་སྐྱོང་ལ་མུ་མཐུད་སྐུལ་འདེད་བཏང་བ།

གསར་འགྱུར་སྤེལ་དུས། 　【2023-03-31 09:00:00】

ཁོར་ཡུག་སྲུང་སྐྱོབ་དོ་དམ་པས་བཙོག་ཆུར་ཚད་ལེན་བྱེད་བཞིན་པ། ཆབ་མདོ་གྲོང་ཁྱེར་སྐྱེ་ཁམས་ཁོར་ཡུག་དྲ་མིག་ཅན་གྱི་བཀོད་འདོམས་ལྟེ་གནས་སུ་སྐྱོད་སྐབས་གྱང་ངོས་ཀྱིས་བརྙན་ཡོལ་ཆེན་པོའི་ཐོག་གཏན་འཇགས་སྦགས་བཙོག་འབྱུང་ཁུངས་དང་གཙོ་གནད་སྦགས་བཙོག་ཁེ་ལས་30ལྷག་ཙམ་དྲ་ཐོག་ལྟ་ཞིབ་ཚད་ལེན་དང་ལྟ་སྐུལ་ཚོད་འཛིན་གྱི་གྲངས་གཞི་མངོན་པ་དང་གཙོ་བོར་རླུང་ཁམས་ཆེ་མོའི་ཁོར་ཡུག་དང་། འཛེར་སྒྲ། ཆུ་འགོ་བཅས་ལ་དུས་ཐོག་ཏུ་ལྟ་ཞིབ་ཚད་ལེན་བྱ་རྒྱུ་བྱེད་བཞིན་ཡོད། གྲོང་ཁྱེར་དང་། རྫོང་། ཤང་བཅས་རིམ་གསུམ་དྲ་མིག་དོ་དམ་པས་ནུས་པ་འདོན་སྤེལ་གང་ལེགས་བྱས་ནས་ཁོངས་གཏོགས་ཁུལ་གྱི་སྦགས་བཙོག་འབྱུང་ཁུངས་དང་ཁོར་ཡུག་སྤུས་ཚད་ལ་དུས་ཐོག་ཏུ་ལྟ་ཞིབ་ཚད་ལེན་དང་ལྟ་སྐུལ་ཚོད་འཛིན་ཐུབ་པ་དང་། ཚོར་སྣང་མྱུར་པོ་དང་མགྱོགས་མྱུར་ངང་ཐག་གཅོད་བྱེད་པའི་ཆ་འཕྲིན་ཅན་གྱི་ལྟ་སྐུལ་དོ་དམ་ཐུབ་ཡོད་པ་རེད། ཤེས་རྟོགས་བྱུང་བར་གཞིགས་ན། དྲ་མིག་དོ་དམ་པས་སྐོར་ཞིབ་བྱེད་སྐབས་གནད་དོན་ཤེས་རྟོགས་བྱུང་ནས་ལག་ཐོགས་ཁ་པར་APPགྱི་གོང་ལ་སྙན་སེང་ཞུས་པ་དང་བཀོད་འདོམས་ལྟེ་གནས་ཀྱིས་གནད་དོན་མཐོང་རྗེས་མགྱོགས་མྱུར་འབྲེལ་ཡོད་ཚན་པའམ་ཁེ་ལས་ལ་ཚུར་ལན་སྤྲད་དེ་ཁོ་ཚོར་རྒྱུ་རྐྱེན་ལྟ་ཞིབ་བྱས་ནས་འཕྲལ་མར་ཐག་གཅོད་བྱ་རྒྱུའི་འགན་ལེན་བྱས་པ་རེད། ཧྭ་རུན་ཞོལ་ཧྭ་སྦི་རག（བོད་ལྗོངས）ཚད་ཡོད་ཀུང་སིར་ཁེ་ལས་དྲ་མིག་དོ་དམ་མི་སྣས་ཁེ་ལས་ཀྱི་སྦགས་བཙོག་དངོས་པོ་བཅོས་སྐྱོང་སྒྲིག་བཀོད་ཉིན་རེར་འཁོར་སྐྱོད་བྱེད་ཚུལ་དང་དྲ་མིག་ཅན་གྱི་ལྟ་སྐུལ་དོ་དམ་མ་ལག་ལ་སྙན་སེང་ཞུ་རྒྱུའི་འགན་འཁུར་དགོས་པ་མ་ཟད། རང་བཤེར་བྱས་ནས་ཤེས་རྟོགས་ཐུབ་ཀྱང་འཕྲལ་མར་ཐག་གཅོད་མི་ཐུབ་པའི་ཁོར་ཡུག་གནད་དོན་དེ་སྐྱེ་ཁམས་ཁོར་ཡུག་ཅུས་ལ་སྙན་ཐོ་དཔོད་དགོས་པ་དང་ཆབས་ཅིག་གནད་དོན་ཐག་གཅོད་ཇུས་གཞི་དང་ལེགས་སྒྲུབ་དུས་བཀག་ཁ་གསལ་འགོད་དགོས། རབ་དང་རིམ་པའི་རིམ་པ་བརྒྱུད་གཙོ་གནད་ཁེ་ལས་ཀྱི་ཁོར་ཡུག་བྱ་སྤྱོད་ལ་གནས་ཚུལ་གང་ལའང་མི་བལྟོས་པའི་ལྟ་སྐུལ་དང་། ཁྱོན་ཡོངས་ནས་འཚོལ་བསྡུ། བརྒྱུད་རིམ་ཧྲིལ་པོར་དོ་དམ་ཚོད་འཛིན་བཅས་བྱས་ནས་ཁེ་ལས་ལ་ཁོར་ཡུག་སྲུང་སྐྱོང་གི་སྤྱི་ཚོགས་འགན་འཁྲི་ཡག་པོ་སྒྲུབ་ཏུ་བཅུག་ཡོད་པ་རེད། ཁོར་ཡུག་ལྟ་སྐུལ་དོ་དམ་དྲ་མིག་ཅན་གྱི་ལས་སྒོའི་ལས་སྟེགས་ཀྱིས་ཆབ་མདོའི་རི་ཆུ་ཀླུང་གསུམ་ལ་འགན་ལེན་བརྟན་པོ་བྱས་ནས་མི་དམངས་མང་ཚོགས་ཀྱི་ཐོབ་ཚོར་དང་བདེ་སྐྱིད་ཚོར་སེམས་ཆེ་རུ་ཏན་ཏིག་བཏང་ཡོད། གོམ་སྟབས་རྗེས་མར་གྲོང་ཁྱེར་སྣོད་བཅུད་ཁོར་ཡུག་ཅུས་ཀྱིས་ཁོར་ཡུག་ལྟ་སྐུལ་དོ་དམ་དྲ་མིག་ཅན་གྱི་ལས་སྒོའི་སྟེགས་བུ་རིམ་སྤོར་བྱས་ནས་ལག་རྩལ་གསར་པ་སྤྱད་དེ་ཁོར་ཡུག་བཅོས་སྐྱོང་ཐད“བློ་རིག་གི་གཤོག་པ”འཛུགས་པ་དང་། ཁྲིམས་འཛིན་ལས་བྱེད་པ་ཕྱིར་བསྐྱོད་མི་དགོས་པ་དོ་དམ་བྱེད་ཐུབ་པ་བྱ་རྒྱུ་རེད།