རི་བོ་ཆེའི་ཆོས་ལུགས་ལས་རིགས་ཀྱིས“འདུ་ཤེས་གསུམ”གྱི་སློབ་གསོའི་རྟོགས་དགོས་ཤེས་དགོས་པའི་ཚོད་རྒྱུཊ་བཏང་བ།

གསར་འགྱུར་སྤེལ་དུས། 　【2023-04-28 11:10:46】

འདི་ག་ཚགས་པར་ཁང་དུ་གནས་ཚུལ་འབྱོར་གསལ། རི་བོ་ཆེ་རྫོང་ཆོས་ལུགས་ཁྱབ་ཁོངས་ཀྱི“འདུ་ཤེས་གསུམ”གྱིས་སློབ་གསོའི་དྲིལ་བསྒྲགས་གྲུབ་འབྲས་ལ་ཞིབ་བཤེར་བྱས་ནས“འདུ་ཤེས་གསུམ”གྱི་སློབ་གསོའི་བྱེད་སྒོའི་གཞི་རྟེན་ཕུན་སུམ་ཚོགས་སུ་གཏོང་ཆེད། ཉིན་ཤས་བསྟུད་མར་རི་བོ་ཆེ་རྫོང་འཐབ་ཕྱོགས་གཅིག་གྱུར་དང་མི་རིགས་ཆོས་ལུགས་སྡེ་ཚན་གྱིས་རྫོང་ཡོངས་ཀྱི་ཆོས་ལུགས་ཁྱབ་ཁོངས་སུ“འདུ་ཤེས་གསུམ”གྱིས་སློབ་གསོ་དྲིལ་བསྒྲགས་ཀྱི་རྟོགས་དགོས་ཤེས་དགོས་པར་ཚོད་ལྟའི་བྱེད་སྒོ་སྤེལ་བ་རེད།

ད་ཐེངས་ཀྱི་ཚོད་རྒྱུཊ་དེ་གཅིག་སྡུད་ཀྱི་བྱེད་ཐབས་ཐོག་ནས་སྤེལ་ཞིང་། ཁྱོན་དགོན་སྡེ་གཉིས་ཀྱི་གྲྭ་བཙུན་130ཞུགས་ཡོད་པ་དང་ཚོད་ལྟའི་བརྒྱུད་རིམ་ནང་གྲྭ་བཙུན་གྱིས་ཡིག་རྒྱུགས་ཀྱི་སྒྲིག་ཁྲིམས་དང་བླང་བྱ་ཁག་ལ་བརྩི་སྲུང་ནན་པོ་ཞུས་ཡོད་པ་རེད། གཏན་འབེབས་བྱས་པའི་དུས་ཚོད་ནང་ཚོད་ལྟ་ལེགས་སྒྲུབ་ཐུབ་པ་དང་། ཡིག་རྒྱུགས་ཀྱི་སྒྲིག་ཁྲིམས་ནན་སྲུང་། བརྒྱུད་རིམ་ལྡན་པའི་ཐོག་ནས་ཁྲལ་སེལ་ཙམ་དང་ཕྱི་ཚུལ་ཙམ་དུ་མི་འགྱུར་བ་བྱེད་ཡོད་པ་རེད།

ད་རེས་ཀྱི་ཚོད་རྒྱུཊ་སྤེལ་བ་བརྒྱུད་རྒྱ་ཆེའི་གྲྭ་བཙུན་ཚོས“འདུ་ཤེས་གསུམ”གྱི་སློབ་གསོ་ཚོད་རྒྱུཊ་ཀྱི་རྟོགས་དགོས་ཤེས་དགོས་པ་ཚོད་འཛིན་ཡག་པོ་ཐུབ་ནས་རྒྱ་ཆེའི་གྲྭ་བཙུན་ཚོར་ཞན་ཆ་བཙལ་འཚོལ་ཡང་དག་དང་།ཆད་ལུས་ཞིབ་བཤེར་ཁ་གསབ། རིགས་པའི་གཞུང་ལུགས་ཀྱི་ཆུ་ཚད་མཐོར་གཏོང་བཅས་བྱེད་རོགས་བྱས་པ་དང་།སློབ་སྦྱོང་གི་གྲུབ་འབྲས་སྲ་བརྟན་དུ་བཏང་བ།“འདུ་ཤེས་གསུམ”གྱི་སློབ་གསོའི་དྲིལ་བསྒྲགས་བྱེད་སྒོ་གཏིང་ཟབ་དང་ཏན་ཏིག་ངང་སྤེལ་རྒྱུར་སྔར་བས་སྐུལ་འདེད་བཏང་ཡོད།