འབུམ་སྐྱིད་སྒྲོལ་མ། （ཐེམ་ཆེན）

བུད་མེད་ ཚོ་ སྦྲང་ རྩི་བཞིན་མངར།

གསར་འགྱུར་སྤེལ་དུས། 　【2023-04-28 11:12:00】

བུད་མེད་ཚོ་སྦྲང་རྩི་བཞིན་མངར་ལ།

མེ་ཏོག་བཞིན་མཛེས་བའི་གཡུ་སྦྲང་གཞོན་ནུའི་

རྣམ་ཤེས་རྐུ་བའི་ལྷ་མོ་དེ་ཡིན།

བུད་མེད་ཚོར་རེག་བྱ་འཇམ་ལ།

བརྩེ་བའི་ཕྱུག་པས་འཚོ་བ་ལ་མཛེས་སྡུག་

སྦྱོར་བའི་མཁའ་འགྲོ་མ་དེ་ཡང་ཡིན།

ང་ཚོ་ནི་འཚོ་བའི་ཟློས་གར་གྱི་གྲུ་ཟུར་ན་མངར་སྐྱུར་གྱི།

བཟི་ཁ་མྱོང་བའི་ལོ་ཆང་ཁམ་པ།

ང་ཚོ་ནི་འཁོར་བའི་དག་ཞིང་གི་བདེ་སྡུག་ན་རྒྱུ་འབྲས་ཀྱི།

མེ་ཏོག་འཐུ་བའི་བྱེའུ་མ་ཆུང་ཆུང་།

དེ་བས། འཇིག་རྟེན་འདིར།

ང་ཚོས་རང་ནུས་ཅི་ལྕོགས་ཀྱིས་མི་ཚེ་ཡི་ལང་ཚོ་འཚོ་བར་འབུལ།

འགན་འཁྲི་ཡི་མུ་ཏིག་ཕ་མ་དང་བུ་རྒྱུད་ལ་འབུལ།

དཀའ་སྡུག་སེམས་ལ་བསྒོམ།

མཆི་མ་ཁོག་ལ་མིད།

ལང་ཚོའི་ཕམ་ཁ་རྒྱབ་ལ་བསྐྱུར་ཏེ།

གཞན་ལས་ལྷག་པའི་བརྩི་འཇོག་དང་གདེང་འཇོག་ཐོབ་པའི།

བུད་མེད་མཛངས་མ་ཞིག་གི་དམ་བཅའ་སེམས་ལ་བཟུང་།