རིན་ཆེན་མཚོ་སྐྱིད། （ཐེམ་ཆེན）

འཚོ་བ།

གསར་འགྱུར་སྤེལ་དུས། 　【2023-04-28 11:12:00】

འཚོ་བ་ལགས།

མ་གསང་མ་སྦས་བར་ལབ་ན།

ངས་ཁྱོད་ལ་གཏིང་སློག་པའི་རྒྱུས་ལོན་ཤིག་བྱས་མི་འདུག

ང་ནི་རི་བོང་ཅལ་འདྲོགས་བྱེད་མཁན་ཞིག་ལས་མ་འདས།

འཚོ་བ་ལགས།

ང་རང་ཆེས་སྟབས་བདེ་དང་སྤྱིར་བཏང་གི་ཁྱོད་ལ་དགའ།

ང་རང་ཆེས་སླད་མེད་དང་རང་དབང་གི་ཁྱོད་ལ་འཁྲེང་།

འཚོ་བ་ལགས།

མི་བུ་ཚང་མའི་ཁྱོད་ཀྱི་ཆེད་དུ་འབད་པ་ཁྱོད་ཀྱིས་མཐོང་ངམ།

ང་ཡང་དེའི་ཁྲོད་ཀྱི་ཆ་ཤས་ཤིག་ཡིན་པ་ཁྱོད་ཀྱིས་ཤེས་སམ།

འཚོ་བ་ལགས།

ཁྱོད་ལ་ཡིད་འཕྲོག་པའི་མིང་ཞིག་ཡོད།

ཁྱོད་ལ་ཞེ་སྐྱོ་བའི་དོན་ཅིག་ཡོད།