ལྷོ་རོང་རྫོང་རྫི་ཐོ་གྲོང་རྡལ་གྱི་ཚོང་འདུས་སྐབས་དང་པོ་འཚོགས་པ།

གསར་འགྱུར་སྤེལ་དུས། 　【2023-08-01 09:00:00】

འདི་ག་ཚགས་པར་ཁང་དུ་གནས་ཚུལ་འབྱོར་གསལ། ཉེ་ཆར་ཆབ་མདོ་གྲོང་ཁྱེར་ལྷོ་རོང་རྫོང་རྫི་ཐོ་གྲོང་རྡལ་གྱིས“ཀྲུང་ཧྭ་མི་རིགས་གཅིག་མཐུན་འདུས་གྲུབ་ཀྱི་འདུ་ཤེས་བརྟན་པོ་བཙུགས་ནས་མི་རིགས་མཐུན་སྒྲིལ་ཡར་ཐོན་གྱི་ལེའུ་གསར་པ་རྩོམ་དགོས”ཞེས་པ་བརྗོད་དོན་གཙོ་བོར་བྱས་པའི་ཚོང་འདུས་སྐབས་དང་པོ་དང་སྒྲོལ་མ་བླ་མཚོའི་སྒྱུ་རྩལ་དུས་ཆེན་སྐབས་བཅུ་གཅིག་པའི་བྱེད་སྒོ་སྤེལ་བ་རེད།བྱེད་སྒོར་རིག་རྩལ་འཁྲབ་སྟོན་དང་། ཁྱད་ལྡན་ཐོན་རྫས་འགྲེམས་ཚོང་། རྟ་རྒྱུག་འགྲན་བསྡུར། ཐག་འཐེན་སོགས་ཀྱི་བྱེད་སྒོ་རབ་དང་རིམ་པ་སྤེལ་བ་རེད། ད་ཐེངས་ཀྱི་བྱེད་སྒོ་བདེ་བླག་ངང་སྤེལ་བ་དེས་མང་ཚོགས་ལ་དུས་རབས་གསར་པའི་ཞིང་འབྲོག་པའི་འཚོ་བ་གསར་པ་དང་ཉམས་འགྱུར་གསར་པ་ངོམས་པའི་ལས་སྟེགས་ཤིག་མཁོ་འདོན་བྱས་པ་དང་ཆབས་ཅིག རྫི་ཐོ་གྲོང་རྡལ་གྱི་རིག་གནས་ཡུལ་སྐོར་ཐོན་ལས་གཏོད་པར་རྨང་གཞི་ཡག་པོ་ཞིག་ཀྱང་བཏིང་ཡོད།