གྲོང་ཁྱེར་འགོ་ཁྲིད་ཀྱིས་ཤེས་དཔལ་གྲོང་ཁུལ་ འཛུགས་སྐྲུན་ལ་ལྟ་སྐུལ་མཛུབ་ཁྲིད་བྱས་པ།

གསར་འགྱུར་སྤེལ་དུས། 　【2023-08-04 09:00:00】

འདི་ག་ཚགས་པར་ཁང་དུ་གནས་ཚུལ་འབྱོར་གསལ། ཟླ8པའི་ཚེས2ཉིན་གྱི་སྔ་དྲོ། གྲོང་ཨུད་ཀྱི་ཧྲུའུ་ཅི་གཞོན་པ་ཝང་ཡ་ཏུང་གིས་ཤེས་དཔལ་གྲོང་ཁུལ་འཛུགས་སྐྲུན་ལ་ལྟ་སྐུལ་མཛུབ་ཁྲིད་བྱས་པ་རེད། དེའི་དམིགས་ཡུལ་ནི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་མི་དམངས་ལྟེ་བར་འཛིན་པའི་འཕེལ་རྒྱས་ཀྱི་བསམ་བློ་སློབ་སྦྱོང་དང་ལག་བསྟར་གཏིང་ཟབ་བྱས་ཏེ་མཛེས་སྡུག་ལྡན་པའི་འཚོ་བར་བཅངས་པའི་མི་དམངས་མང་ཚོགས་ཀྱི་ཉིན་བཞིན་ཆེ་རུ་འགྲོ་བའི་དགོས་མཁོ་རྒྱུན་ཆད་མེད་པར་སྐོང་བ་དང་། དཔལ་འབྱོར་དང་སྤྱི་ཚོགས་ཀྱི་འཕེལ་རྒྱས་མགྱོགས་མྱུར་ངང་སྐུལ་འདེད་གཏོང་བ། མཁར་གྲོང་འཛུགས་སྐྱོང་གི་དོ་དམ་ལེགས་སུ་སྒྱུར་བ། གྲོང་མིའི་བདེ་སྐྱིད་སྟོན་གྲངས་ཆེ་རུ་གཏོང་རྒྱུ་དེ་རེད།

ཝང་ཡ་ཏུང་གིས་སྔ་རྗེས་སུ་སྤོམ་མདའ་ཁུལ་ཆུང་དང་། ཕྱོགས་བསྡུས་ཞིང་ཞོར་ཁྲོམ་ར་དང་པོ། ཆོས་ཁྲི་སྲང་ལམ་སྡེ་ཁུལ། ཆབ་མདོ་ས་ཁུལ་སྦྲགས་སྲིད་ཅུད་སྦྲགས་ཚུགས། ཀའོ་ཙང་ཨར་ཁང་ནས་པའེ་མའེ་སིན་ཁྱིམ་ཆས་རྒྱུ་ཆའི་འཛུགས་སྐྲུན་གྲོང་བར་གྱི་ལམ་ལ་ས་གནས་ས་ཐོག་ཏུ་ལྟ་སྐུལ་མཛུབ་ཁྲིད་བྱས་པ་མ་ཟད། གནད་དོན་དག་ལ་དག་ཐེར་བསམ་འཆར་དང་ལས་ཀའི་བླང་བྱ་བཏོན་ཡོད།