གསར་འགྱུར་སྤེལ་དུས། 【2023-11-03 09:00:00】
འདི་ག་ཚགས་པར་ཁང་དུ་གནས་ཚུལ་འབྱོར་གསལ། ཟླ་10ཚེས་30ཉིན་གྱི་ཕྱི་དྲོ། གྲོང་ཁྱེར་དབང་སྐྱོན་ལྷན་ཚོགས་ཀྱི་2023ལོའི“གནད་སྨིན་དྲག་སྐྱེད་”རམ་འདེགས་ཡོ་བྱད་སྤྲོད་པའི་མཛད་སྒོ་གྲོང་ཁྱེར་དབང་སྐྱོན་མཉམ་འབྲེལ་ལྷན་ཚོགས་བཅོལ་གསོ་ལྟེ་གནས་སུ་འཚོགས་ཤིང་། མཛད་སྒོའི་ཐོག་གྲོང་ཁྱེར་དབང་སྐྱོན་མཉམ་འབྲེལ་ལྷན་ཚོགས་གྱི་འབྲེལ་ཡོད་འགན་འཁུར་བློ་མཐུན་གྱིས་གསུང་བཤད་གནང་སྐབས་ད་ཐེངས་ཀྱི་རམ་འདེགས་ཡོ་བྱད་སྤྲོད་པ་ནི་དུས་འགོའི་བརྟག་དཔྱད་ཀྱི་རྨང་གཞིའི་ཐོག་སྤེལ་བ་ཞིག་རེད། ལས་དོན་མི་སྣས་དབང་པོ་སྐྱོན་ཅན་མི་རེ་ངོ་རེར་མཐིལ་རྟོགས་བརྟག་དཔྱད་བྱས་པ་བརྒྱུད་འཚོ་བའི་དགོས་མཁོ་དང་ཟུང་འབྲེལ་བྱས་ཏེ་རམ་འདེགས་ཡོ་བྱད་ཉོས་ནས་དུད་ཚང་རེར་གནད་སྨིན་རོགས་སྐྱོར་བྱས་ཏེ་དབང་སྐྱོན་ལ་ཏག་ཏག་རན་པའི་རམ་འདེགས་ཡོ་བྱད་སྒྲིག་སྦྱོར་བྱེད་ཡོད་ཅེས་བཤད་པ་རེད།
རམ་འདེགས་ཡོ་བྱད་སྤྲོད་པའི་བྱེད་སྒོ་སྤེལ་བ་བརྒྱུད། དབང་སྐྱོན་གྱིས་འཚོ་བ་སྟབས་བདེ་མེད་པའི་དཀའ་གནད་སེལ་རོགས་བྱས་པ་དང་། འཚོ་བའི་སྤུས་ཚད་ཡང་མཐོ་རུ་བཏང་ཡོད། མཛེས་སྡུག་ལྡན་པའི་འཚོ་བར་བསུ་བར་ཡིད་ཆེས་ཆེ་རུ་ཕྱིན་པ། ཁོང་ཚོ་དེ་བས་ལེགས་པའི་སྒོ་ནས་སྤྱི་ཚོགས་ཀྱི་འཚོ་བའི་ནང་ཞུགས་པ་དང་འཚོ་བ་སྐྱེལ་རྒྱུར་སྟབས་བདེ་བསྐྲུན་པ་དང་དུས་མཚུངས་སྤྱི་ཚོགས་ཡོངས་ཀྱིས་དབང་སྐྱོན་ལ་སེམས་ཁུར་དང་གཅེས་སྐྱོང་བྱེད་པའི་སྤྱི་ཚོགས་ཀྱི་རྣམ་པ་བཟང་པོ་བཏོད་དེ་དབང་སྐྱོན་ཅན་གྱིས་ཏང་དང་སྲིད་གཞུང་གི་དྲོ་སྐྱིད་ཚོར་ཐུབ་པ་བྱས་ཡོད།
ཤེས་རྟོགས་བྱུང་བར་གཞིགས་ན། ད་ཐེངས་ཀྱི་རམ་འདེགས་ཡོ་བྱད་སྤྲོད་རྒྱུ་དེ་གཙོ་བོ་རྐང་ལག་དང་། མིག་ཤེད། རྣ་ཤེས་བཅས་དབང་སྐྱོན་རིགས་གསུམ་ལ་དམིགས་ནས་ཁྱོན་སྣ་ཁག8དང་རམ་འདེགས་ཡོ་བྱད་3113སྤྲད་པ་དང་། སྔོན་དཔག་བྱས་ན་གྲོང་ཁྱེར་ཡོངས་ཀྱི་དབང་སྐྱོན་ཅན་2500ལ་འཚོ་བའི་འགོག་རྐྱེན་དང་འགྲོ་སྐྱོད་དཀའ་བའི་གནད་དོན་ཐག་གཅོད་ཐུབ་རྒྱུ་རེད།
པར་དབང་ནི་ཟླ་ཆུ་སྔོན་མོའི་བོད་ཡིག་དྲ་བར་དབང་བས་གན་རྒྱ་དང་དབང་ཆ་སྤྲད་མེད་ཚེ་དྲ་ཐོག་ནས་ཕབ་མི་ཆོག རང་ཁོངས་ལས་ཁུངས། ཀྲུང་གུང་ཆབ་མདོ་གྲོང་ཨུད་དྲིལ་བསྒྲགས་པུའུ།
ས་གནས། བོད་ལྗོངས་ཆབ་མདོ་ནུབ་ལམ་ཨང་རྟགས་24 ཁ་པར་ཨང་གྲངས། 0895—4823845 བརྙན་སྐྱེལ་ཨང་གྲངས། 0895—4822257
རྒྱལ་ནང་གཅིག་འགྱུར་ཚགས་པར་ཨང་རྟགས། CN54-0015-Z ཐོ་བདག་ཨང་། བོད་ICPཐོ་ཨང་09000698 བོད་སྤྱི་དྲའི་བརྡ་རྟགས། 542121102000010
