འབྲས་སྐྲན་གཉིས་འགོག་བཅོས་ལ་དོ་སྣང་དང་བུད་མེད་ཀྱི་བདེ་ཐང་ལ་ལྟ་སྐྱོང་།ངེད་གྲོང་ཁྱེར་གྱི་བདེ་ཐང་ཤེས་བྱ་འཆད་ཁྲིད་དང་སྨན་རྫས་བསྐྱལ་བའི་འོས་འགན་སྨན་བཅོས་ཀྱི་བྱེད་སྒོ་སྤེལ་བ།

གསར་འགྱུར་སྤེལ་དུས། 　【2023-11-03 09:00:00】

འདི་ག་ཚགས་པར་ཁང་དུ་གནས་ཚུལ་འབྱོར་གསལ། ཟླ་10ཚེས་30ཉིན་གྱི་སྔ་དྲོ། གྲོང་ཁྱེར་བུད་མེད་མཉམ་འབྲེལ་ལྷན་ཚོགས་ཀྱིས་སྣེ་འཁྲིད་དེ་གྲོང་ཁྱེར་ཐད་གཏོགས་ལས་ཁུངས་ལས་དོན་ཨུ་ལྷན་དང་། གྲོང་ཁྱེར་འཕྲོད་བསྟེན་བདེ་ཐང་ཨུ་ལྷན། གྲོང་ཁྱེར་མ་བུ་འཕྲོད་སྦྱོར་ཁང་བཅས་དང་མཉམ་འབྲེལ་ཐོག“འབྲས་སྐྲན་གཉིས་ཀྱི་འགོག་བཅོས་ལ་དོ་ཁུར་བྱས་ནས་བུད་མེད་ཀྱི་བདེ་ཐང་ལ་ལྟ་སྐྱོང་།”དང“འབྲས་སྐྲན་གཉིས”ཀྱི་གྲལ་བཤེར་ཕྱོགས་བསྡུས་བདེ་ཐང་ཤེས་བྱའི་འཆད་ཁྲིད་དང་སྨན་སྟེར་བ་དང་འོས་འགན་སྨན་བཅོས་ཀྱི་བརྗོད་དོན་གཙོ་བོའི་སློབ་གསོའི་བྱེད་སྒོ་སྤེལ་བ་རེད། རང་སྐྱོང་ལྗོངས་བུད་མེད་མཉམ་འབྲེལ་ལྷན་ཚོགས་ཏང་ཙུའི་ཧྲུའུ་ཅི་བརྗོད་དོན་གཙོ་བོའི་སློབ་གསོ་ལྟ་སྐུལ་མཛུབ་ཁྲིད་ཚོགས་ཆུང་གི་ཙུའུ་ཀྲང་ཤེ་དབྱིང་འཆད་ཁྲིད་ལ་ཞུགས་པ།

ཚོགས་འདུ་བརྙན་འཕྲིན་ཁ་པར་ཚོགས་འདུའི་རྣམ་པ་ཐོག་ནས་ཚོགས་ཤིང་། ཆབ་མདོར་ཚོགས་ར་གཙོ་བོ་བཙུགས་པ་དང་རྫོང（ཆུས）ཁག་གི་ཤང（གྲོང་རྡལ）དུ་ཡན་ལག་ཚོགས་ར་བཙུགས་ཡོད། ཁྱོན་མི་2900ལྷག་ཙམ་འཆད་ཁྲིད་ནང་ཞུགས་ཡོད་པ་རེད། འཆད་ཁྲིད་ནང་རིགས་གཅིག་མཁས་ཅན་གྱིས་ནད་རྟགས་དང་དོན་དངོས་ཟུང་འབྲེལ་བྱས་ཏེ་ཡིག་རིས་གཉིས་ལྡན་དང་གསོ་རིག་གི་ཟུར་ཚད་ཐོག་ནས་བུད་མེད་ཀྱི་གཟུགས་པོའི་གྲུབ་ཆ་དང་། སྐྱེ་འཕེལ་གྱི་རྐྱེན་རྩ། ནུ་མའི་འབྲས་སྐྲན། མངལ་སྐེའི་འབྲས་སྐྲན་གྱི་ནད་ཕོག་རྐྱེན། ནད་ཐོག་སྨན་བཅོས་ཀྱི་ནད་རྟགས། དེ་བཞིན་ཇི་ལྟར་བྱས་ནས་འགོག་བཅོས་བྱེད་དགོས་མིན་སོགས་ཀྱི་གསོ་རིག་ཤེས་བྱ་འགྲེལ་བཤད་ཞིབ་ཕྲ་བརྒྱབ་པ་རེད། དེ་དང་ཆབས་ཅིག་མིག་སྔར་ཁྲོམ་རའི་ཐོག་གི་མངལ་སྐེའི་འབྲས་སྐྲན་སྔོན་འགོག་བྱེད་པའི་རིམས་འགོག་སྨན་ཁབ་ཀྱི་ཁྱད་པར་ཁྱབ་གདལ་བཏང་ནས་ཚང་མར་རིམས་འགོག་སྨན་ཁབ་རྒྱག་པའི་གལ་ཆེའི་རང་བཞིན། འགོག་རྒྱུ་ནི་བཅོས་པར་ལས་གལ་ཆེ་བའི་བདེ་ཐང་གིས་འདུ་ཤེས་གསལ་བཤད་བྱས་པ་རེད།

འཆད་ཁྲིད་མཇུག་འགྲིལ་རྗེས་བཅིངས་འགྲོལ་ཐང་ཆེན་དུ“ལྗང་མདོག་དང་བདེ་ཐང་གི་འཚོ་བར་ལོངས་སྤྱོད་བྱས། —སྨན་སྟེར་བ་དང་འོས་འགན་སྨན་བཅོས་བྱེད་པའི”བརྗོད་དོན་གཙོ་བོའི་སློབ་གསོ་ལག་བསྟར་བྱེད་སྒོ་སྤེལ་ནས་རྒྱ་ཆེའི་བུད་མེད་རྣམ་ལ་སྐྲན་ནད་གཉིས་གྲལ་བཤེར་དང་འགོག་བཅོས་དྲིལ་བསྒྲགས་བྱས་པ་རེད། ད་ཐེངས་ཀྱི་བྱེད་སྒོ་སྤེལ་བ་བརྒྱུད་རྒྱ་ཆེའི་བུད་མེད་རྣམ་ལ་“འབྲས་སྐྲན་གཉིས”འགོག་བཅོས་ཀྱི་རང་རྟོགས་རང་བཞིན་ཆེ་རུ་བཏང་ནས་དེ་ཉིད“འབྲས་སྐྲན་གཉིས་”ཀྱི་རིན་མེད་ཞིབ་བཤེར་ནང་ཧུར་ཐག་ཞུགས་ནས་རྒྱ་ཆེའི་བུད་མེད་ཀྱི་ལུས་སེམས་བདེ་ཐང་ཐད་འགན་ལེན་ཏན་ཏིག་བྱས་པ་རེད།