ཆབ་མདོ་གྲོང་ཁྱེར་གྱི་སྟོན་ལས་ཡོངས་སུ་ཚུགས་པ།

གསར་འགྱུར་སྤེལ་དུས། 　【2023-11-07 09:00:00】

འདི་ནི་བྲག་གཡབ་རྫོང་དུ་ཞིང་པ་ཚོས་འཕྲུལ་འཁོར་ལ་བརྟེན་ནས་བཙས་མ་རྔ་བཞིན་པ།

འདི་ག་ཚགས་པར་ཁང་དུ་གནས་ཚུལ་འབྱོར་གསལ། དཔྱིད་གསུམ་དཀའ་བ་སྤྱད། སྟོན་གསུམ་ལོ་ལེགས་བྱུང་། ལོ་གཅིག་དུས་གཅིག་གི་སྟོན་ལས་ཀྱི་ནམ་དུས་ཤར་བས། ཆབ་མདོ་གྲོང་ཁྱེར་གྱི་རྫོང（ཆུས）ཁག་གི་ནས་དང་གྲོ་སོགས་རྔ་བའི་དུས་ལ་སླེབས་ཡོད། གྲོང་ཁྱེར་ཡོངས་ཀྱི་ཞིང་ལས་དང་གྲོང་གསེབ་སྡེ་ཚན་གྱིས་དུས་ཐོག་ཏུ་བྱ་ཐབས་སྤྱད་དེ“སྔ་ཙམ་ནས་གྲ་སྒྲིག་དང་། སྔ་ཙམ་ནས་བཀོད་སྒྲིག སྔ་ཙམ་ནས་ལས་འགོ་འཛུགས་པའི”རྩ་དོན་གཞིར་བཟུང་། མང་ཚོགས་སྒྲིག་འཛུགས་བྱས་ཏེ་སྨིན་ཟིན་པའི་ལོ་ཏོག་རྔ་བསྡུ་མྱུར་སྐྱེལ་གྱི་ལས་ལ་གཞོལ་ཞིང་། ས་ཞིང་ཡུག་གཅིག་སྨིན་ན་དེ་མ་ཐག་བརྔས་ནས་འབྲུ་རྡོག་གཅིག་ཀྱང་མ་ལུས་པར་མཛོད་འཇུག་ཐུབ་པར་བྱས་ཡོད།

ཆབ་མདོ་གྲོང་ཁྱེར་ཞིང་ལས་དང་གྲོང་གསེབ་ཅུས་དང་རྫོང（ཆུས）ཁག་གི་ཞིང་ལས་དང་གྲོང་གསེབ་ཅུས་ཀྱིས་ས་ཁོངས་མི་འདྲ་བ་དང་ལོ་ཏོག་སྨིན་པའི་དུས་ལ་གཞིགས་ཏེ། ཞིང་འཕྲུལ་ཆེད་ལས་མཉམ་ལས་ཁང་གི་ནུས་པ་གང་ལེགས་བཏོན་ནས་འཕྲུལ་ཆས་ཀྱིས་བཙས་མ་རྔ་བའི་ལག་རྩལ་ཁྱབ་གདལ་ཤུགས་ཆེན་གཏོང་བ་དང་། འཕྲུལ་ཆས་སྒྲིག་སྦྱོར་ཡག་པོ་བྱེད་པ། འཕྲུལ་བསྡུའི་ཞབས་ཞུ་དང་ས་ཁོངས་སྒྲོལ་བའི་ལས་སྒྲུབ་བྱས་པས་བརྔ་བསྡུའི་ལས་ཆོད་ཆེ་རུ་ཕྱིན་ཡོད།