ཁ་རུབ་ཆུས་ཀྱིས་ཁ་བ་དང་འཁྱགས་པ་འཕྱགས་ནས་གྲོང་མི་ཕྱིར་སྐྱོད་པའི་བདེ་འཇགས་འགན་ལེན་བྱས་པ།

གསར་འགྱུར་སྤེལ་དུས། 　【2024-01-26 09:00:00】

འདི་ག་ཚགས་པར་ཁང་དུ་གནས་ཚུལ་འབྱོར་གསལ། ཁ་བ་ཆེན་པོ་བབས་པའི་གནམ་གཤིས་ལ་ཁ་གཏད་ནུས་ལྡན་གཅོག་པ་དང་། ལམ་བུའི་ཐོག་གི་ཁ་བ་དང་འཁྱགས་པ་གཙང་འཕྱགས་བྱེད་ནས་གྲོང་མི་བདེ་འཇགས་ངང་འགྲོ་ཐུབ་པ་བཅས་བྱ་ཆེད། ཉིན་ཤས་བསྟུད་མར་ཁ་རུབ་ཆུས་ཀྱིས་ཁྱོན་ཡོངས་ནས་འཁྱགས་འགོག་ཁ་བ་འཕྱགས་པའི་ལས་དོན་བསྒྲུབས་པ་རེད། གྲོང་ཁུལ་གྱི་གཞུང་ལམ་གཙོ་བོ་དང་། ཟམ་པ། ལམ་མདོ། ཐང་ཆེན་སོགས་ཀྱི་གཙོ་གནད་ས་ཆར་ཚྭ་གཏོར་བ་དང་། འཕྲལ་མར་རང་སོ་སོའི་ཁུལ་གྱི་ཁོར་ཡུག་གཙང་སྦྲའི་མི་སྣ་སྒྲིག་འཛུགས་བྱས་ནས་ཁ་བ་འཕྱགས་པའི་ལས་དོན་སྤེལ་ནས་འགྲོ་མི་རྣམས་བདེ་འཇགས་ངང་འགྲོ་ཐུབ་པ་བྱས་པ་རེད། ཉི་འོད་མི་ཕོག་སའི་ལམ་ངོས་ལ་དམིགས་ཏེ་ཁ་བ་དང་འཁྱགས་པ་ཐེབས་པའི་ལམ་བུར་མི་སྣ་སྒྲིག་འཛུགས་བྱས་ནས་སྔོན་ལ་གཅིག་སྡུད་ཐོག་གཙང་འཕྱགས་བྱས་ཏེ་འགྲོ་མི་དང་རླངས་འཁོར་རྣམས་བདེ་འཇགས་ངང་འགྲོ་ཐུབ་པའི་འགན་ལེན་བྱས་པ་རེད།