ཏང་ཀྲུང་དབྱང་དང་སྤྱི་ཁྱབ་ཧྲུའུ་ཅི་ཞི་ཅིན་ཕིང་ལ་འགན་སྒྲུབ་གསལ་ཞུ་བྱས་པ།

གསར་འགྱུར་སྤེལ་དུས། 　【2024-03-01 09:00:00】

མཚན་མོར་གཉིད་སྐྱིད་པོ་ཞིག་རོལ་རྒྱུ་ནི་ཧ་ཅང་གལ་ཆེན་ཡིན་པས།ང་ཚོས་རྒྱུན་དུ་གཉིད་སྐྱིད་པོ་ཞིག་རོལ་བར་འབད་དགོས།གཉིད་བདེ་མིན་གྱི་ཐད་ནས་མི་རེ་རེར་ཚད་གཞི་མི་འདྲ་བ་རེ་ཡོད་ནའང་སྤྱིར་བཏང་གིས་གཤམ་གྱི་ཚད་གཞི་འདི་དག་ལ་བལྟ་དགོས།

གཉིད་ཡུན་རིང་མིན་ལ་ལྟ་བ།མི་དར་མ་ཞིག་ཡིན་ན་སྤྱིར་བཏང་གིས་ཉིན་ཞག་གཅིག་ལ་དུས་ཚོད6ནས8གཉིད་པས་ཆོག་ལ།དུས་ཚིགས་བཞི་བོར་ད་རུང་ཁྱད་པར་ཅུང་ཙམ་ཡོད།ཆོས་ཉིད་ཡོད་པའི་སྒོ་ནས་ངལ་གསོ་བའི་གནས་ཚུལ་འོག སྔ་མོར་རང་བཞིན་གྱིས་སད་པར་མ་ཟད་ལུས་ལ་སྟོབས་ཤུགས་ཀྱིས་ཁེངས་ཡོད་ན།ཁྱེད་ཉིད་གཉིད་པའི་དུས་ཚོད་དེ་ནི་ཁྱེད་ལ་མཁོ་བའི་གཉིད་ཀྱི་དགོས་མཁོ་དེ་རེད།

གཉིད་ལ་ཞུགས་སྔ་མིན་ལ་ལྟ་བ།ཉལ་མ་ཐག་གཉིད་ལ་འཇུག་པ་དང་གཉིད་ལ་ཞུགས་རྗེས་ཀྱི་སྐར་མ20ནས30ཡི་ནང་དུ་གཉིད་སྐྱིད་པོར་རོལ་བ།གལ་ཏེ་ཁྱེད་རང་ཉལ་ནས་ཡུན་རིང་འགོར་རྗེས་ད་རུང་གཉིད་ལ་ཞུགས་མི་ཐུབ་ཚེ།ཉལ་བའི་དུས་ཚོད་འོས་འཚམ་གྱིས་ཕྱིར་འགྱངས་བྱེད་ཆོག

གཉིད་སྐྱིད་པོར་རོལ་ཐུབ་མིན་ལ་ལྟ་བ།གཉིད་སྐྱིད་པོར་རོལ་བའི་དུས་ཡུན་གྱིས་མཚན་གང་པོའི་གཉིད་ཡུན་གྱི15%ནས25%(མཚན་གང་པོའི་གཉིད་ཡུན་དུས་ཚོད7ལྟར་བརྩིས་ན།གཉིད་སྐྱིད་པོར་རོལ་བའི་དུས་ཡུན་ནི་སྐར་མ60ནས100ཡི་བར་ཡིན།)མ་གཏོགས་ཟིན་མེད།གཉིད་སྐྱིད་པོར་རོལ་བའི་དུས་ཚོད་ནི་གཙོ་བོ་ནམ་སྟོད་ཡིན་པས།གལ་ཏེ་ནམ་སྟོད་དུ་མི་གཉིད་པའམ་ཡང་ན་ཡང་ནས་བསྐྱར་དུ་སད་ན།གཉིད་སྐྱིད་པོར་རོལ་བའི་དུས་ཡུན་ཇེ་ཉུང་དུ་སོང་ཡོད།

ཉིན་དཀར་ལུས་པོ་བདེ་མིན་ལ་ལྟ་བ། ཉིན་དཀར་ལུས་པོ་བདེ་མིན་ནི་མཚན་མོར་གཉིད་ཀྱིས་འདང་ཡོད་མེད་ལ་ལྟ་བའི་ཚད་གཞི་གཙོ་བོ་ཞིག་ཡིན།མཚན་མོར་གཉིད་སྐྱིད་པོར་རོལ་ན་ཉིན་དཀར་རྣམ་རིག་གསལ་ཞིང་ལུས་ལ་སྟོབས་ཤུགས་ཀྱིས་ཁེངས་ལ།ལས་ཀ་ཅུང་ཙམ་ལས་རྗེས་ཐང་ཆད་པ་དང་གཉིད་འབབ་པ་སོགས་ཀྱི་གནས་ཚུལ་མི་འབྱུང་བར་བྱ་བ་ཅི་ཞིག་བསྒྲུབ་ནའང་སེམས་པ་གཅིག་ཏུ་སྒྲིམ་ཐུབ།

རྨི་ལམ་འཁྲུག་མིན་ལ་ལྟ་བ།རྨི་ལམ་དུ་ཞུགས་པ་ནི་གཉིད་པའི་སྐབས་ཀྱི་རྒྱུན་ལྡན་གྱི་སྣང་ཚུལ་ཞིག་ཡིན།གལ་ཏེ་རྒྱུན་དུ་རྨི་ལམ་འཁྲུགས་ཏེ་ཡང་ནས་བསྐྱར་དུ་སད་པ་དང་སད་པའི་སྐབས་སུ་ལུས་ནས་རྔུལ་ཆུ་བཞུར་ཞིང་ལུས་པོ་ངལ་ཞིང་དུབ་ན།ལུས་ལ་ནད་ཀྱིས་གཙེ་བཞིན་པའི་རྟགས་རེད།

དེ་ན་གཉིད་སྐྱིད་པོ་རོལ་བའི་ཐད་ལ་ཇི་ལྟར་འབད་དགོས་སམ་ཞེ་ན།

གོམས་གཤིས་བརྟན་པོ་ཆགས་པར་བྱེད་པ།ཉིན་རེའི་དུས་ཚོད་གཅིག་མཚུངས་སྟེང་ཉལ་བའམ་ཡང་ན་ལངས་དགོས་ལ།གཟའ་མཇུག་ཏུའང་དུས་ཚོད་ལྟར་ལངས་པ་ལས་ཞོགས་ཉལ་རྒྱག་པ་དང་དུས་ཡུན་རིང་པོར་མལ་ཁྲིའི་སྟེང་འདུག་མི་རུང་།

གཉིད་ཀྱི་ཁོར་ཡུག་སྐྱིད་པོ་ཞིག་བསྐྲུན་དགོས།མལ་ཁང་གི་དྲོད་ཚད་སྙོམས་ཤིང་རླུང་རྒྱུ་བར་མ་ཟད། ལྷིང་འཇགས་ཡིན་དགོས།མལ་གདན་དང་སྔས་འབོལ་བདེ་མོ་སྤྱོད་དགོས།

ལུས་པོར་ཁུར་མི་སྣོན་པ།ཉལ་ཁར་ཟ་མ་མང་དུ་ཟ་བ་དང་།ནང་སྒོས་སུ་ཁ་ཚ་དང་སྣུམ་ཞག་མཐོ་བའི་ཟས་རིགས་མི་བསྟེན་པ་དང་ཇ་དང་ཁོ་ཧྥེ། ཁུ་ནག་སོགས་ཕོག་ཐུག་རང་བཞིན་གྱི་བཏུང་བྱ་མི་འཐུང་བ། མཚན་མོར་ཆང་འཐུང་མི་རུང་། ཆང་འཐུང་ན་གཉིད་ལ་གནོད་པ་ཐེབས།ཉལ་ཁར་ཆུ་མང་པོ་འཐུང་ན་གཅིན་ཐོག་ལ་རྒྱུག་ཐེངས་མང་བས་གཉིད་ལ་གནོད་པ་ཐེབས།ཉལ་ཁའི་དུས་ཚོད2ཀྱི་ནང་རྙོག་འཛིང་གི་དོན་དག་ལ་བསམ་བློ་མི་གཏོང་བ་དང་གློག་ཀླད་དང་ཁ་པར་སོགས་ལ་མི་ལྟ་བ།

ལུས་སྦྱོང་འོས་འཚམ་བྱེད་པ་དང་ཉི་མར་མང་དུ་ལྡེ་བ།ལུས་སྦྱོང་འོས་འཚམ་བྱས་ན་ལུས་ཀྱི་ནུས་དྲོ་ཟད་ལ་སེམས་ཀྱི་གནོན་ཤུགས་ཇེ་ཡང་དུ་འགྲོ་བ་རེད།སྔ་དྲོར་ལུས་སྦྱོང་བྱེད་པ་དང་ཉི་མར་ལྡེ་ན།མཚན་མོ་གཉིད་སྐྱིད་པོ་ཡོང་བར་ཕན་པ་ཡོད།ཉིན་གུང་གཉིད་ལོབས་སུ་སོང་བ་དང་མཚན་མོར་གཉིད་མི་ཡོང་ན།ཉིན་གུང་གི་གཉིད་ཡུན་སྐར་མ20ནས30ཡི་ནང་ཚོད་འཛིན་བྱེད་དགོས།

གལ་ཏེ་དུས་ཡུན་རིང་པོར་གཉིད་མི་ཡོང་བར།བདེ་ཐང་དང་འཚོ་བར་གནོད་འཚེ་ཐེབས་ཤིང་།གོང་གི་བྱེད་ཐབས་དེ་དག་སྤྱད་རུང་གོ་མི་ཆོད་ན།ཁྱེད་རང་སྔ་མོ་ནས་སྨན་ཁང་དུ་སོང་ནས་གཉིད་ཡོང་བའི་ཐད་ཀྱི་གསོ་བཅོས་བྱེད་དགོས་སོ།