ཆབ་མདོ་གྲོང་ཁྱེར་སྨན་བཅོས་འགན་བཅོལ་ཐེབས་རྩའི་ལྟ་སྐུལ་དོ་དམ་གྱིས་གཅིག་སྡུད་དྲིལ་བསྒྲགས་ཟླ་བའི་བྱེད་སྒོ་དངོས་སུ་སྤེལ་འགོ་ཚུགས་པ།

གསར་འགྱུར་སྤེལ་དུས། 　【2024-04-16 10:40:00】

ཡིག་ཆ་སྤྲད་བཞིན་པ།

འདི་ག་ཚགས་པར་ཁང་དུ་གནས་ཚུལ་འབྱོར་གསལ། ཟླ་4ཚེས་10ཉིན་གྱི་སྔ་དྲོ། ཆབ་མདོ་གྲོང་ཁྱེར་སྨན་བཅོས་འགན་ལེན་ཅུས་ཀྱིས་ཇ་རྟའི་ཐང་ཆེན་དུ“ཐེབས་རྩའི་ལྟ་སྐུལ་དོ་དམ་དང་མང་ཚོགས་ཀྱི‘སྲོག་སྐྱོབ་དངུལ་’ལ་སྲུང་སྐྱོང་ཡག་པོ་བྱེད་པའི་”བརྗོད་དོན་གཙོ་བོར་བྱས་པའི་གྲོང་ཁྱེར་གྱི་2024ལོའི་སྨན་བཅོས་འགན་བཅོལ་ཐེབས་རྩའི་ལྟ་སྐུལ་དོ་དམ་གྱིས་གཅིག་སྡུད་དྲིལ་བསྒྲགས་ཟླ་བའི་བྱེད་སྒོ་འགོ་ཚུགས་པའི་མཛད་སྒོ་དང་ཡུལ་དངོས་ཀྱི་དྲིལ་བསྒྲགས་བྱེད་སྒོ་སྤེལ་བ་རེད། དེའི་དམིགས་ཡུལ་ནི་སྨན་བཅོས་འགན་བཅོལ་ཐེབས་རྩའི་ལྟ་སྐུལ་དོ་དམ་ལས་དོན་ལ་ཁྱོན་ཡོངས་ནས་ཤུགས་སྣོན་བརྒྱབ་ནས། གྲོང་ཁྱེར་ཡོངས་ཀྱི་མི་དམངས་ཀྱིས་སྨན་བཅོས་འགན་བཅོལ་ཐེབས་རྩའི་ལྟ་སྐུལ་དོ་དམ་ལ་ངོས་འཛིན་དང་བསམ་ཤེས་བྱེད་ཚད་མཐོ་རུ་བཏང་ནས། སྨན་བཅོས་འགན་བཅོལ་ཐེབས་རྩ་བདེ་འཇགས་དང་། ནུས་ལྡན། དྲང་གཞག་བཅས་ཀྱི་སྒོ་ནས་བེད་སྤྱོད་བྱ་རྒྱུའི་འགན་ལེན་བྱ་རྒྱུ་དེ་རེད།

བྱེད་སྒོ་སྤེལ་ཡུལ་དུ། ལས་དོན་མི་སྣས་འཕྲེད་འགེལ་སྦྱར་ཡིག་བཀལ་བ་དང་། འགྲེམས་པང་སྒྲིག་བཀོད། དྲ་བ་ཐོག་ནས་ལན་འདེབས་བྱ་དགའ་སྤྲད་པ། ཡུལ་དངོས་སུ་བློ་འདྲི་སོགས་ཀྱི་བྱ་ཐབས་བརྒྱུད་གྲོང་མིར་འབྲེལ་ཡོད་སྨན་བཅོས་འགན་བཅོལ་གྱི་སྲིད་ཇུས་དང་ཁྲིམས་སྲོལ་དྲིལ་བསྒྲགས་བྱས་པ་མ་ཟད། གྲོང་ཁྱེར་དང་གྲོང་གསེབ་ཀྱི་ཡུལ་མི་དང་ལས་བཟོ་པས་དོ་ཁུར་བྱེད་པའི་ས་གནས་གཞན་དུ་སྨན་བསྟེན་པ་སོགས་སྨན་བཅོས་འགན་བཅོལ་གྱི་འབྲེལ་ཡོད་གནད་དོན་ལ་ཡུལ་དངོས་ནས་ལན་བརྒྱབ་ཡོད་པ་དང་། གྲོང་ཁྱེར་མི་དམངས་སྨན་ཁང་དང་དམངས་བདེ་སྨན་ཁང་སོགས་སྨན་བཅོས་ལས་ཁུངས་ཀྱི་ཡུལ་དངོས་སུ་འོས་འགན་སྨན་བཅོས་བྱས་ཡོད་པ་རེད།

ཤེས་རྟོགས་བྱུང་བར་གཞིགས་ན། ད་ཐེངས་བྱེད་སྒོའི་ནང་ཁྱོན་དྲིལ་བསྒྲགས་དཔྱད་ཡིག་2000ལྷག་ཙམ་དང་། དྲིལ་བསྒྲགས་མཁོ་ཆས་2000ལྷག་ཙམ་སྤྲད་ཡོད་ལ། མང་ཚོགས་མི་ཐེངས་200ལྷག་ཙམ་གྱི་བློ་འདྲི་དང་ལེན་བྱས་ཡོད། མང་ཚོགས་མི་ཐེངས་300ལྷག་ཙམ་ལ་ཞབས་འདེགས་ཞུས་ཡོད། ཡུལ་དངོས་སུ་མི་ཐེངས་80ལྷག་ཙམ་གྱི་སྨན་བཅོས་འགན་བཅོལ་གྱི་ལས་སྒོ་བདག་སྤྲོད་བྱས་པ་རེད། དྲིལ་བསྒྲགས་ཟླ་བའི་ནང་། གྲོང་ཁྱེར་ཡོངས་ཀྱི་སྨན་བཅོས་འགན་བཅོལ་མ་ལག་གིས་དྲ་ཐོག་དང་དྲ་འོག་གི་རྣམ་པ་སྣ་ཚོགས་བརྒྱུད་ནས་སྨན་བཅོས་འགན་བཅོལ་ཐེབས་རྩའི་ལྟ་སྐུལ་དོ་དམ་དང་དྲིལ་བསྒྲགས་བྱེད་པའི་ཚ་རླབས་འཕྱུར་ནས། གཏན་འཁེལ་སྨན་བཅོས་ལས་ཁུངས་ཀྱི་འབྲེལ་ཡོད་མི་སྣའི་ལས་རིགས་ཀྱི་རང་གཅུན་འདུ་ཤེས་དང་འགན་བཅོལ་ནང་ཞུགས་མཁན་མང་ཚོགས་ཀྱིས་སྨན་བཅོས་འགན་བཅོལ་ཐེབས་རྩ་ཚད་ལྡན་ངང་བེད་སྤྱོད་འདུ་ཤེས་དང་སྤྱི་དམངས་ཡོངས་ལ་ལྟ་སྐུལ་བྱེད་པའི་བསམ་ཤེས་ཟབ་ཏུ་གཏོང་རྒྱུ་ཡིན་པ་རེད།

གྲོང་མི་ཚོས་ད་ཐེངས་ཀྱི་དྲིལ་བསྒྲགས་བྱེད་སྒོ་བརྒྱུད་སྨན་བཅོས་འགན་བཅོལ་ཐེབས་རྩའི་ལྟ་སྐུལ་དོ་དམ་ལ་ཤེས་རྟོགས་སྔར་བས་གཏིང་ཟབ་བྱུང་བ་མ་ཟད། སྨན་བཅོས་འགན་བཅོལ་ཐེབས་རྩ་ཇི་ལྟར་བྱས་ནས་ཡང་དག་པའི་སྒོ་ནས་བེད་སྤྱོད་བྱས་ཏེ་སྨན་བཅོས་འགན་བཅོལ་ལ་ཁ་བསླུས་བྱས་པ་སོགས་ཁྲིམས་འགལ་བྱ་སྤྱོད་སྔོན་འགོག་བྱ་རྒྱུའི་ཐད་དེ་བས་གསལ་པོ་ཤེས་བྱུང་ཞེས་བཤད།