ཡུས་རྨེན་ཧུང་གིས་ཆབ་མདོར་རིག་གནས་ཡུལ་སྐོར་དྲིལ་བསྒྲགས་འོས་སྦྱོར་དང་ཐད་གཏོང་ཟོང་འཚོང་བྱས་པ།

གསར་འགྱུར་སྤེལ་དུས། 　【2024-04-23 11:10:00】

ཡུས་རྨིན་ཧུང་གིས་ཁ་རུབ་ཆུས་ཀརྨ་རོང་དུ་བོད་ལྭ་གྱོན་ཏེ་རྟ་ལ་བཅིབས་བཞིན་པ།

ཡུས་རྨིན་ཧུང་གིས་ཆབ་མདོའི་ཁྱད་ལྡན་ཞིང་ཞོར་ཐོན་ཟོག་ཐད་གཏོང་ལམ་ནས་འཚོང་བཞིན་པ།

འདི་ག་ཚགས་པར་ཁང་དུ་གནས་ཚུལ་འབྱོར་གསལ། ཟླ་4ཚེས་13ཉིན་ནས་ཚེས་15ཉིན་བར། ཤར་ཕྱོགས་གསར་པའི་སློབ་གསོ་ཚན་རྩལ་ཚོགས་པའི་ཏུང་ཧྲི་ཀྲང་དང་སྲོལ་གཏོད་པ། ཤར་ཕྱོགས་གསར་པའི་རིག་གནས་ཡུལ་སྐོར་ཚོགས་པའི་ཏུང་ཧྲི་ཀྲང་ཡུས་རྨིན་ཧུང་ཐད་གཏོད་ཚོགས་པ་ཆབ་མདོར་ཕེབས་ཏེ་སྔ་རྗེས་སུ་དམག་སྡེ་བཅོ་བརྒྱད་པས་འབྲི་ཆུ་སྒྲོལ་བའི་རྟེན་གཞི་ཁུལ་རྙིང་པ་དང་། དམག་སྒར་གྱི་རྟེན་གཞི་ཁུལ་རྙིང་པ། ཁ་རུབ་ཆུས་ཀརྨ་རོང་གི་མཛེས་ལྗོངས་ཁུལ། ཇ་རྟའི་ཐང་ཆེན་དང་མཚན་ཁྲོམ། ལྷོ་རོང་རྫོང་ཤོ་པ་མདོ་གྲོང་རྡལ་གྱི་མི་རིགས་མཐུན་སྒྲིལ་ཐང་ཆེན་དང་། དམག་སྡེ་བཅོ་བརྒྱད་པའི་ངལ་གསོའི་ས་ཚིགས། ཆིང་དམག་གི་བང་སོ། རྔུལ་ཤོད་ཤང་མུའུ་ཁྲི་ཡི་ཁམ་བུའི་མེ་ཏོག་ལྡུམ་ར། དཔལ་འབར་རྫོང་གངས་དཀར་འཁྱགས་དོང་དང་། སྤྱང་ཀི་ལ་འཁྱགས་རོམ། མདོག་གསུམ་མཚོ་བཅས་སུ་བསྐྱོད་དེ་དྲ་ཐོག་ཐད་གཏོང་ལམ་ནས་ཆབ་མདོ་གྲོང་ཁྱེར་གྱི“ངོ་མཚར་ཆེ་བའི་ཁམས་པ། བདེ་སྐྱིད་ལྡན་པའི་ཆབ་མདོ”ཞེས་པ་ཡུལ་སྐོར་གྱི་སྐད་གྲགས་ཆོད་ཚད་དང་། སྙན་གྲགས་ཆོད་ཚད་མཐོ་རུ་བཏང་ཡོད།

འདི་ནི་ཡུས་རྨེན་ཧུང་ཆབ་མདོར་ཡོང་ཐེངས་གསུམ་པ་དེ་ཡིན་ཞིང་། ཡུལ་སྐོར་གྱི་འགྲུལ་བཞུད་རིམ་བཞིན་ཟབ་ཏུ་སོང་བ་དང་བསྟུན་ནས་ཡུས་རྨེན་ཧུང་གིས་ཆབ་མདོར་བཅངས་པའི་བརྩེ་བ་སྔར་བས་གཏིང་ཟབ་ཏུ་ཕྱིན་ཡོད།

ཉིན་གསུམ་གྱི་རིང་ལ་ཡུས་རྨེན་ཧུང་ཚོགས་པས་ཆབ་མདོར་ཐད་གཏོང་ཐེངས་9བྱས་པ་དང་། གནའ་ཤུལ་གྲགས་ཅན20ཙམ་འོས་སྦྱོར་ངོ་སྤྲོད་གནང་ནས་ལྟ་མཁན་མི་དུང་ཕྱུར2ལྷག་ཟིན་ཡོད། དྲ་གྲོགས་ཚོས་ཐད་གཏོང་ཁང་དུ་དཔྱད་བརྗོད་དང་མོས་བསྟོད་མཉམ་འགུལ་བྱས་ཏེ། ཆབ་མདོའི་མཛེས་ལྗོངས་དང་།ཆབ་མདོའི་ཡུལ་སྐོར་གྱི་འཁྲུག་ཆ་དོད་པོའི་རྣམ་པ་ཐད་གཏོང་གི་ལམ་ནས་གཟིགས་མོ་བ་ཚོའི་མིག་ལམ་དུ་བསྟན་ཡོད།

ཡུས་རྨེན་ཧུང་ཐད་གཏོང་ཚོགས་པས་ཆབ་མདོར་ཁྱད་ལྡན་ཞིང་ཞོར་ཐོན་ཟོག་ཐད་གཏོང་ཐོག་ནས་ཉོ་འཚོང་རོགས་རམས་གནང་ཡོད། ཡུས་རྨིན་ཧུང་གིས་ཆབ་མདོའི་དྲ་གྲགས་གཡང་མཚོ་ཁྲིད་དེ། ཡུས་རྨིན་ཧུང་མི་སྒེར་དང་ཤར་ཕྱོགས་ཞིབ་འབྱེད་བདམས་གསེས་ཀྱི་འཛམ་གླིང་ལྟ་བའི་འཁྱུགས་དབྱིངས་ཁྲོད་ནས་ཀྱི་ཐུག་པ་དང་།

བོད་ཕག་གི་ཤ་སོགས་ཐོན་ཟོག་བཙོངས་རོགས་བྱས་ཤིང་། ཆུ་ཚོད་གཅིག་གི་རིང་ཚོང་ཟོག་སྣ་ཁ13ཚང་མ་ཉོས་ཚར་བ་དང་། ཚོང་རྫས་ཕྱིར་འཚོང་བྱས་པའི་དངུལ་འབོར་སྒོར་ཁྲི210ཟིན་ཡོད་ལ། ཚོང་འགྲིག་པའི་མི་གྲངས་17800ཟིན་ཏེ་རྒྱལ་ཡོངས་ཀྱི་དུས་མཚམས་དེའི་དངོས་ཟོག་ཁྱེར་ཤོག་གི་ཨང་དང་པོར་སླེབས་ཡོད།

ཉེ་བའི་ལོ་ཤས་རིང་། ཆབ་མདོས་རིག་གནས་ཡུལ་སྐོར་ཐོན་ལས་དེ་གཙོ་ཁྲིད་ཐོན་ལས་སུ་བརྩིས་ནས་སྤྱི་འདོམས་འཆར་འགོད་དང་ལག་བསྟར་ལ་སྐུལ་འདེད་བཏང་སྟེ། རིག་གནས་ཡུལ་སྐོར་དང་ཐོན་ལས་འཕེལ་རྒྱས་ཀྱི་གཙོ་གནད་དེ་རྒྱལ་ལམ་349རྒྱུད་དུ་བཞག་པ་དང་། ཁ་རུབ་ཆུས་ཀྱི་ཀརྨ་ཤང་དང་། ལྷོ་རོང་རྫོང་ཤོ་པ་མདོ་གྲོང་རྡལ། དཔལ་འབར་རྫོང་སྤྱི་གླིང་ཤང་དང་དཔལ་འབར་གྲོང་རྡལ་བཅས་ཁྱད་ལྡན་གྲོང་རྡལ་ཆུང་ངུ་4འཆར་འགོད་འཛུགས་སྐྲུན་བྱེད་བཞིན་ཡོད་པ་དང་། ཡུལ་སྐོར་ངལ་གསོ་རྒྱག་ས་སོགས་རྨང་གཞིའི་སྒྲིག་བཀོད་འཐུས་ཚང་དུ་བཏང་ནས། ཡུལ་སྐོར་ངལ་གསོ་ས་ཚིགས་འཛུགས་སྐྲུན་ལེགས་གྲུབ་བྱུང་ཡོད། ཡུས་རྨིན་ཧུང་གིས་ཐད་གཏོང་ལས་གདེང་འཇོག་དང་དོ་ཁུར་ལས་རྫོང（ཆུས）ཁག་གིས་རིག་གནས་དང་ཡུལ་སྐོར་ཐོན་ལས་འཕེལ་རྒྱས་གཏོང་རྒྱུར་ཡིད་ཆེས་སྔར་བས་ཆེ་རུ་ཕྱིན་ཡོད།