སྨར་ཁམས་རྫོང་བྲག་མཚམས་འགག་ཆུ་མཛོད་དུ་ཆུ་བྱ་རིགས་མང་པོ་འཚོ་སྡོད་ཤེས་རྟོགས་བྱུང་བ།

གསར་འགྱུར་སྤེལ་དུས། 　【2024-04-23 11:20:00】

འདི་ག་ཚགས་པར་ཁང་དུ་གནས་ཚུལ་འབྱོར་གསལ། ཉེ་ཆར། གསར་འགོད་པས་སྨར་ཁམས་རྫོང་བྲག་མཚམས་འགག་ཆུ་མཛོད་དུ་ཆུ་བྱ་རིགས་མང་པོ་ཞིག་འཚོ་སྡོད་བྱེད་བཞིན་ཡོད་པ་ཤེས་རྟོགས་བྱུང་ཡོད། བྲག་མཚམས་འགག་ཆུ་མཛོད་ནི་རང་སྐྱོང་ལྗོངས་ཀྱི“ལོ་ལྔ་ཚན་བཅུ་གསུམ་པའི”ཆུ་བེད་འཆར་འགོད་ཀྱི་གཙོ་གནད་རྣམ་གྲངས་ཤིག་ཡིན་པའི་ངོས་ནས། ཁྱོན་མ་དངུལ་སྒོར་དུང་ཕྱུར་4.69འགྲོ་སོང་བཏང་བ་དང་། ཞིང་ཆུ་མཁོ་འདོན་གྱི་ནུས་པ་ཆེན་པོ་ལྡན་པས། ལོ་ལྟར་སྨར་ཁམས་རྫོང་གྲོང་ལ་ཆུ་སྨི་ལྷམ་པ་གྲུ་བཞི་མ་ཁྲི་1232མཁོ་འདོན་ཐུབ་པ་དང་། དུས་མཚུངས་སུ་སྨད་རྒྱུད་ཤང་གྲོང་གི་ཞིང་ས་མུའུ་ཁྲི3.09ཆུ་འདྲེན་ཐུབ་ཡོད་པ་རེད། གཞན་ཡང་། བྲག་མཚམས་འགག་ཆུ་མཛོད་འཛུགས་སྐྲུན་བྱེད་པར་སྐྱེ་ཁམས་འཛུགས་སྐྱོང་གི་ཕྱོགས་བསྡུས་ཕན་འབྲས་ལ་མཐོང་ཆེན་བྱས་ཏེ། སྐྱེ་ཁམས་མ་ལག་སྲུང་སྐྱོང་བྱེད་ཤུགས་རྒྱུན་མཐུད་ངང་ཆེ་རུ་བཏང་བས། ཆུ་མཛོད་ཀྱི་ཆུའི་སྤུས་ཚད་ལེགས་པ་དང་། རྩྭ་ཆུ་འཛོམས་པ། ཆུ་བྱ་འཚོ་སྡོད་བཅས་ཀྱི་ཁོར་ཡུག་བཟང་པོ་ཞིག་མཁོ་འདོན་བྱས་ཡོད་པ་རེད།