ཡུས་མེན་ཧུང་ཚོགས་པས་ཆབ་མདོར་རིག་གནས་ཡུལ་སྐོར་དང་ཐོན་ཁུངས་དྲིལ་བསྒྲགས་འོས་སྦྱོར་གྱི་བྱེད་སྒོ་སྤེལ་བ།

གསར་འགྱུར་སྤེལ་དུས། 　【2024-05-03 09:50:00】

འདི་ག་ཚགས་པར་ཁང་དུ་གནས་ཚུལ་འབྱོར་གསལ། བོད་ལ་ཡུལ་སྐོར་བྱེད་པའི་འགོ་ཐོག་མ་དེ་ཆབ་མདོ་ནས་ཚུགས་པ་དང་སླར་ཡང་ཆབ་མདོ་ནས་མཇུག་འགྲིལ་བ་རེད། ཟླ4པའི་ཚེས29ཉིན་ནས་ཟླ5པའི་ཚེས1ཉིན་བར་ཡུས་མེན་ཧུང་ཚོགས་པས་བོད་དུ་ཡུལ་སྐོར་བྱས་ཏེ་སླར་ཡང་ཆབ་མདོར་ལོག་པ་དང་། དཔའ་ཤོད་དང་བྲག་གཡབ་སོགས་ཀྱི་ས་ཆ་མང་པོར་རིག་གནས་ཡུལ་སྐོར་དང་ཐོན་ཁུངས་དྲིལ་བསྒྲགས་འོས་སྦྱོར་གྱི་བྱེད་སྒོ་སྤེལ་བས་དྲ་གྲོགས་ཁྲི་སྟོང་མང་པོས་ཐད་གཏོང་ཁང་ནས་མཛེས་སྡུག་གི་ཡུལ་ལྗོངས་ལ་རོལ་མྱོང་བྱས་ཅིང་། དངོས་ཡོད་བྱ་སྤྱོད་ལ་བརྟེན་ནས་ཆབ་མདོའི་རིག་གནས་ཡུལ་སྐོར་བྱ་གཞག་འཕེལ་རྒྱས་ལ་རོགས་སྤེལ་བྱས་ཡོད། ཚེས1ཉིན་གྱི་སྔ་དྲོ། ཡུས་མེན་ཧུང་ཚོགས་པ་གནམ་གྲུ་བསྡད་དེ་ཆབ་མདོ་ནས་ཁ་བྲལ་ཞིང་། དུས་ཡུན་ཉིན21རིང་གི་བོད་ལྗོངས་ཡུལ་སྐོར་བྱེད་སྒོ་མཇུག་སྒྲིལ་བ་རེད།

དྲོད་འཇམ་གྱི་ཉི་འོད་ས་གཞིར་འཕྲོས་པའི་དཔྱིད་དུས་འདིར། ཡུས་མེན་ཧུང་ཚོགས་པ་རྒྱལ་ལམ318རྒྱུད་ཀྱི་དཔའ་ཤོད་རྫོང་ར་འོག་མཚོ་དང་། ལ་སྒོའི་འཁྱགས་རོམ། རྒྱལ་མོ་རྔུལ་ཆུའི་ཟམ་ཆེན་གྱི་ཤུལ་གཞག་རྗེས་དྲན་ཁང་། རྒྱལ་མོ་རྔུལ་ཆུའི་གུག་ཆ་72བཅས་སུ་བསྐྱོད་དེ་ར་འོག་མཚོ་དང་ལ་སྒོའི་འཁྱགས་རོམ་གྱི་མཛེས་ལྗོངས་ལ་མྱོང་རོལ་དང་། ཁང་གསར་གྲོང་རྡལ་གྱི་རྟ་རྒྱུག་དུས་ཆེན་གྱི་དམངས་སྲོལ་བྱེད་སྒོར་བལྟས་པ། ཟས་མཆོག་ལ་རོལ་མྱོང་། རིག་རྩལ་འཁྲབ་སྟོན་ལ་གཟིགས་པ་རེད། ཐད་གཏོང་གི་ལམ་ནས་རྒྱལ་ཡོངས་ཀྱི་དྲ་གྲོགས་ཚོར་ཆབ་མདོའི་ཁྱད་མཚར་བའི་རིག་གནས་དང་ཞིང་ཞོར་ཐོན་རྫས་འགྲེམས་སྟོན་བྱས་ཡོད། ཁྱོན་ཐད་གཏོང་ཐེངས་བཞི་བྱས་པ་དང་ཆུ་ཚོད་བརྒྱད་ཡས་མས་རིང་གི་ཐད་གཏོང་གིས་དྲ་གྲོགས་ཁྲི967གྱིས་མཐོ་སྒང་གི་རི་མཐོ་ས་གཙང་དང་། རི་སྔོ་ཆུ་དྭངས་ཀྱི་རྣམ་པ་མཐོང་ཞིང་། ཚང་མས་མོས་བསྟོད་དང་དཔྱད་བརྗོད་སྤེལ་བ་ལས་ཆབ་མདོར་ཡུལ་སྐོར་བྱེད་འདོད་ཀྱི་རེ་འདོད་དྲག་པོ་ཡོད་པ་མཚོན་ཡོད།

ཡུས་མེན་ཧུང་གིས་ཤར་ཕྱོགས་གསར་པའི་སློབ་གསོ་ཚན་རྩལ་སྡེ་ཚོགས་ཀྱིས་མ་དངུལ་བཏང་བའི་བྲག་གཡབ་རྫོང་མཁར་སྒང་ཤང་སློབ་ཆུང་གི་སློབ་མ་ཚོར་གཟིགས་ཡོད། བྲག་གཡབ་རྫོང་དཀྱིལ་ཐང་གྲོང་རྡལ་དུ་ཡུས་མེན་ཧུང་གིས་ས་མཐོའི་ཁྱད་ལྡན་ཞིང་འབྲོག་ཐོན་རྫས་དང་རིག་གནས་ཐོན་རྫས་ལ་ལྟ་སྐོར་དང་རྟོག་ཞིབ་བྱས་པ་དང་། པར་རྒྱག་འགྲེམས་སྟོན་དང་ཤང་ཏུའེ་བོད་ཟློས་གར་ལ་གཟིགས་པར་མ་ཟད་དྲ་གྲོགས་ཚོར་འོས་སྦྱོར་ཧུར་ཐག་བྱས་པ་རེད། ཆབ་མདོར་སྡོད་རིང་ཡུས་མེན་ཧུང་གིས་ད་དུང་ཚོང་དོན་བྱེད་སྒོ་མང་པོ་སྤེལ་ཡོད། སྲོང་བཙན་ལ་སྒོའི་རི་གྲོང་ཨར་ཁང་དུ་ཡུས་མེན་ཧུང་གིས་སྲོང་བཙན་ཚོགས་པའི་ཏུང་ཧྲི་ཀྲང་པདྨ་རྡོ་རྗེ་དང་གླེང་མོལ་བྱས་ནས་ཕྱོགས་གཉིས་པོས་སྲོང་བཙན་ཚོགས་པ་དང་ཤར་ཕྱོགས་གསར་པའི་རིག་གནས་ཡུལ་སྐོར་ཚོགས་པའི་དབར་འཐབ་ཇུས་མཉམ་ལས་ཀྱི་གྲོས་མཐུན་བཞག་པ་རེད།