ཡུས་མེན་ཧུང་གི་བོད་སྐྱོད་ཡུལ་སྐོར་འདི་ནས་མཇུག་འགྲིལ་བ།

གསར་འགྱུར་སྤེལ་དུས། 　【2024-05-10 08:30:00】

རྒྱལ་མོ་རྔུལ་ཆུའི་ཟམ་ཆེན་ཤུལ་གཞག་རྗེས་དྲན་ཁང་དུ་ཟམ་ཆེན་འཛུགས་པའི་ལོ་རྒྱུས་ཀྱི་བརྒྱུད་རིམ་ལ་ནན་ཏན་ངང་གསན་བཞིན་པ།

འདི་ག་ཚགས་པར་ཁང་དུ་གནས་ཚུལ་འབྱོར་གསལ། ཟླ4པའི་ཚེས་30ཉིན་ཡུས་མེན་ཧུང་ལ་སྒོའི་འཁྱགས་རོམ་ནས་འགོ་བརྩམས་ཏེ་བོད་དུ་ཡུལ་སྐོར་བྱས་པ་རེད། འདི་ནི་ཐེངས་འདིར་ཆེས་མཐའ་མཇུག་གི་ཐད་གཏོང་ཡང་ཡིན།

ར་འོག་གྲོང་རྡལ་ཁང་གསར་གྲོང་ཚོར་ས་གནས་དེ་གའི་མི་སེར་གྱིས་རྟ་རྒྱུག་འགྲན་སྡུར་བྱེད་ཀྱིན་འདུག ཁམས་པའི་ཕོ་རྒོད་ཚོས་ས་དོག་མོ་གདན་ལ་བཏིངས་ཅིང་གནམ་སྔོན་པོ་འཕྲེད་ཀྱིས་གཅོད་ཀྱིན་ཡོད།

དཔའ་ཤོད་རྫོང་རྒྱལ་མོ་རྔུལ་ཆུའི་ཟམ་པ་དེའི་རྔམ་བརྗིད་ལས་མི་ཚང་མར་ཧང་སངས་པའི་སྣང་བ་ཞིག་སྦྱིན་གྱི་ཡོད། ཟམ་ཆེན་ཤུལ་གཞག་རྗེས་དྲན་ཁང་དུ་ཡུས་མེན་ཧུང་གིས་འགྲེལ་བཤད་མཁན་གྱི་འགྲེལ་བཤད་འོག་རྒྱལ་མོ་རྔུལ་ཆུའི་ཟམ་ཆེན་འཛུགས་པའི་ལོ་རྒྱུས་ཀྱི་བརྒྱུད་རིམ་སོགས་གསན་པ་རེད།

1953ལོའི་ཟླ11པར་དུས་ཡུན་ཉིན་28རིང་གི་ཛ་དྲག་འབད་འཐབ་བརྒྱུད་རིང་ཚད་ལ་སྨི87དང་གཙང་པོའི་བར་ཐག་སྨི45ཟིན་པའི་རྒྱལ་མོ་རྔུལ་ཆུའི་ཟམ་ཆེན་དང་པོ་ཤར་གཏོང་ཐུབ་ཡོད།

2016ལོའི་ཟླ12པའི་ཚེས18ཉིན་གསར་དུ་བསྐྲུན་པའི་རྒྱལ་མོ་རྔུལ་ཆུའི་ཟམ་པ་དངོས་སུ་ཤར་གཏོང་ཐུབ་པ་བྱུང་།

རྒྱལ་མོ་རྔུལ་ཆུའི་ཟམ་པའི་ཐོག་ཡུས་མེན་ཧུང་གིས་ཟམ་གདུང་སྟེང་མེ་ཏོག་ཕུལ་ཞིང་སྔོན་གཤེགས་དཔའ་བོ་ཚོར་གུས་འདུད་ལན་གསུམ་ཞུས་པ་རེད།

ཡུས་མེན་ཧུང་གིས་བོད་དུ་བསྐྱོད་སྐབས་ཐོག་མར་ཐད་གཏོང་བྱེད་རྒྱུའི་བསམ་བློ་བཏང་མྱོང་མེད་པར་བརྙན་ཐུང་འགའ་བླངས་ཏེ་ཚང་མར་མཉམ་སྤྱོད་བྱེད་འདོད་ཡོད། ཕྱིས་སུ་ས་གནས་ཁག་གི་སྲིད་གཞུང་གིས་རིག་གནས་ཡུལ་སྐོར་འཕེལ་རྒྱས་གཏོང་བའི་དགོས་མཁོའི་དབང་གིས་ད་གཟོད་ཐད་གཏོང་ཚོད་ལྟ་བྱེད་འགོ་ཚུགས་པ་ཡིན་ཞེས་བཤད།

ཡུས་མེན་ཧུང་ཕྱིར་སོང་ཀྱང་ཁོ་ད་དུང་བོད་ལ་ཡོང་རྒྱུའི་ཡིད་ཆེས་བརྟན་པོ་ང་ལ་ཡོད། དེའི་རྒྱུ་མཚན་ནི་ཁོང་གིས་ད་ཐེངས་ཀྱི་འགྲུལ་བཞུད་ལ་ད་དུང་བློ་ཕམ་ཅུང་ཙམ་ཡོད་དེ། འགྲོ་ལམ་དང་དུས་ཚོད་ཀྱི་དབང་གིས་ཇོ་མོ་གླང་མའི་རི་སྒར་དང་། གངས་རིན་པོ་ཆེ། རི་བོ་ཆེ། སྟེང་ཆེན་རྫོང་་བརྒྱུད་མ་ཐུབ་པ་བཅས་ཡིན།