ངེད་གྲོང་ཁྱེར་གྱིས་“ཀྲུང་གོའི་ཡུལ་སྐོར་ཉིན་མོའི”བྱེད་སྒོ་སྤེལ་བ།

གསར་འགྱུར་སྤེལ་དུས། 　【2024-05-24 09:15:00】

ད་ལོའི་ཟླ5ཚེས19ཉིན་ནི“ཀྲུང་གོའི་ཡུལ་སྐོར་ཉིན་མོ”ཐེངས14པ་དེ་ཡིན། ཉིན་དེར་ངེད་གྲོང་ཁྱེར་གྱིས“ཀྲུང་གོར་ཡུལ་སྐོར་གཏོང་། བདེ་སྐྱིད་འཚོ་བ་རོལ”ཞེས་པ་བརྗོད་དོན་གཙོ་བོར་བྱས་པའི2024ལོའི་“ཀྲུང་གོའི་ཡུལ་སྐོར་ཉིན་མོའི”བོད་ལྗོངས་ཆབ་མདོའི་བརྗོད་དོན་གཙོ་བོའི་བྱེད་སྒོ་ཇ་རྟ་ཐང་ཆེན་དུ་སྤེལ་ཡོད། ཐེངས་འདིའི་བྱེད་སྒོ་དེ་གྲོང་ཁྱེར་ཡུལ་སྐོར་འཕེལ་རྒྱས་ཅུད་དང་རིག་གནས་ཅུད（རིག་དངོས་ཅུད）ཀྱིས་གཙོ་སྒྲུབ་དང་གྲོང་ཁྱེར་ཁམས་པའི་འགྲེམས་སྤེལ་ཚད་ཡོད་འགན་འཁྲི་ཀུང་སིས་རོགས་གཉེར་བྱས་པ་རེད། བསྡོམས་རྩིས་བྱས་པར་གཞིགས་ན། ཐེངས་འདིའི་བྱེད་སྒོ་ཡིས་ཆབ་མདོ་གྲོང་ཁྱེར་གྱི་ཡུལ་སྐོར་དྲིལ་བསྒྲགས་ཤོག་ལྷེབ2000དང་། ཡུལ་སྐོར་ལམ་ཐིག་དྲིལ་བསྒྲགས་ཤོག་ལྷེབ1000ཡས་མས་སྤྲད་པས་གྲོང་མི་དང་ཡུལ་སྐོར་བ་གང་མང་ཞིག་གིས་དོ་ཁུར་དང་ཟབ་ཞུགས་བྱས་ཡོད། པར་འདི་ནི་ལས་དོན་མི་སྣས་གྲོང་མིར་དྲིལ་བསྒྲགས་ཡིག་ཆ་སྤྲོད་བཞིན་པ།