ཆབ་མདོས“ནགས་དཔོན་ལམ་ལུགས”ཀྱི་ཐོག་ནས“ནགས་དཔོན་བཅོས་སྐྱོང”ལ་ སྐུལ་འདེད་བཏང་སྟེ་སྐྱེ་ཁམས་ཤེས་དཔལ་གྱི་ལེའུ་གསར་པ་བརྩམས།

གསར་འགྱུར་སྤེལ་དུས། 　【2024-06-25 09:00:00】

ལས་བཟོ་པས་སྡོང་ཕྲུག་ལ་ཡལ་བཞུར་རྒྱག་བཞིན་པ།

འདི་ག་ཚགས་པར་ཁང་དུ་གནས་ཚུལ་འབྱོར་གསལ། ཉེ་བའི་ལོ་ཤས་རིང་། ཆབ་མདོ་གྲོང་ཁྱེར་གྱིས་ཞི་ཅིན་ཕིང་གི་དུས་རབས་གསར་པའི་སྐྱེ་ཁམས་ཤེས་དཔལ་སྐོར་གྱི་དགོངས་པ་ལག་བསྟར་བྱས་ཏེ། ནགས་དཔོན་ལམ་ལུགས་ནས་ནགས་དཔོན་བཅོས་སྐྱོང་གི་ཕྱོགས་སུ་སྐུལ་འདེད་བཏང་བས། ཕྱི་ནང་སྣོད་བཅུད་བཟང་ཞིང་ཁོར་ཡུག་དང་འཕེལ་རྒྱས་ཀྱི་མཐུན་རྐྱེན་ཡག་པོ་འཛོམས་ཡོད།

སྔོ་ལྗང་གི་རི་ཀླུང་རྟག་ཏུ་བརྟན་དགོས་ན། ལས་དོན་མི་སྣ་ཚོས་དུས་རྒྱུན་དུ་རི་སྐོར་སྲུང་སྐྱོབ་ཀྱི་ཧུར་བརྩོན་སྐྱེད་དགོས་པ་སྨྲས་མེད་རེད། ཉིན་འདི་གའི་རིང་། རི་དུང་ཤང་ཏང་ཨུད་ཀྱི་ཧྲུའུ་ཅི་གཞོན་པ་ཤང་ཀྲང་འཇམ་དབྱངས་བློ་བཟང་གི་ཕྲག་ཏུ་འགན་འཁྲི་མི་ཆུང་བ་ཞིག་བབས་ཡོད་དེ། ནགས་ཚལ་ལ་མེ་སྐྱོན་མི་ཡོང་བའི་ཆེད་དུ་ཤང་རིམ་པའི་ནགས་དཔོན་ཡིན་པའི་འཇམ་དབྱངས་བློ་བཟང་གིས་ནགས་སྲུང་མི་སྣ་དང་།ཏང་ཡོན། དང་བླངས་ཞབས་ཞུ་རུ་ཁག་སོགས་ཀྱི་སྣེ་ཁྲིད་དེ་ཁོངས་གཏོགས་ས་ཁུལ་དུ་ནགས་ཚལ་མེ་ཟོན་གྱི་ཐད་ནས་སྐོར་ཞིབ་དང་དྲིལ་བསྒྲགས་སོགས་ཀྱི་བྱ་བ་མང་དག་ཅིག་བསྒྲུབས་དང་སྒྲུབ་བཞིན་པ་རེད།

འཇམ་དབྱངས་བློ་བཟང་ནི་ཆབ་མདོ་གྲོང་ཁྱེར་གྱི་ནགས་དཔོན་གྱི་འགན་འཁུར་མཁན8252ཀྱི་ནང་ནས་ཡ་གྱལ་ཞིག་ཡིན། ཉེ་བའི་ལོ་ཤས་རིང་། ཆབ་མདོ་གྲོང་ཁྱེར་གྱིས་ནགས་དཔོན་ལམ་ལུགས་ཀྱི་ས་ཁོངས་དབྱེ་སྟངས་འཐུས་སྒོ་ཇེ་ཚང་དུ་བཏང་བ་དང་། རིམ་དབྱེ་འགན་འཁུར་གྱི་རྩ་དོན་གཞིར་བཟུང་། གྲོང་ཁྱེར་དང་རྫོང་ཆུས། ཤང་གྲོང་རྡལ་དང་གྲོང་ཚོ་སྡེ་ཁུལ་བཅས་རིམ་པ་བཞིའི་ནགས་དཔོན་ལམ་ལུགས་ཀྱི་རྩ་འཛུགས་མ་ལག་བཙུགས་ནས། རིམ་ཁག་ནགས་དཔོན་དང་ལྟ་སྐུལ་བ། ནགས་སྲུང་མི་སྣ་སོགས་ལ་ནགས་ཚལ་དང་རྩྭ་ཐང་གི་ཐོན་ཁུངས་ལ་བདག་སྐྱོང་བྱེད་འགན་ཁ་གསལ་བཟོས་པ་རེད། གྲོང་ཁྱེར་ཡོངས་སུ་ནགས་དཔོན8252དང་བདག་སྐྱོང་མི་སྣ142000ཡོད་པས་ནགས་ཚལ་ཐམས་ཅད་ལ་འགན་འཁུར་མཁན་ཡོད་པ་རེད། དེ་བཞིན་ཆབ་མམདོའི་རིག་ནུས་ཅན་གྱི་ནགས་དཔོན་འཕྲིན་སྟེགས་བཟོས་ནས། ནགས་ཚལ་དང་རྩྭ་ཐང་། འདམ་ར་བཅས་ལ་བདག་སྐྱོང་བྱེད་ཐབས་ཇེ་ལེགས་སུ་བཏང་ཡོད། དེ་ནས་རིམ་ཁག་ནགས་དཔོན8250དང་བདག་སྐྱོང་མི་སྣ142000ལྷག་དྲ་མིག་ཅན6229ཡི་ནང་དུ་བཅུག་ནས་ཁོངས་གཏོགས་ས་ཁུལ་གྱི་ནགས་ཚལ་དང་རྩྭ་ཐང་། འདམ་ར་བཅས་ལ་བདག་སྐྱོང་བྱེད་ཐབས་ཞིབ་ཚགས་ལ་གནད་དུ་འཁེལ་བ། ཕན་ནུས་ཆེ་ལ་ཆ་འཕྲིན་ཅན་དུ་གྱུར་ཡོད། 2023ལོར་ཆབ་མདོའི་ནགས་དཔོན་ལམ་ལུགས་ཀྱི་ལས་དོན་ལ་རྒྱལ་ཁབ་ནགས་རྩྭ་ཅུད་ཀྱིས་བརྡ་ཁྱབ་བཏང་ནས་བསྟོད་བསྔགས་གནང་བར་མ་ཟད། 2023ལོའི་བོད་རང་སྐྱོང་ལྗོངས་ནགས་དཔོན་ལམ་ལུགས་ལས་དོན་ཐད་ནས་ཕུལ་དུ་བྱུང་བའི་གྲོང་ཁྱེར་དུ་བསྐོས་པ་རེད།

རུ་བཞི་ཤང་གི་སྡོང་ཕྲུག་ར་བར་སོང་ན། ཡུག་ཅིག་ཏུ་རྣམ་པར་ཁེངས་པའི་ཆབ་མདོའི་གསོམ་སྡོང་དང་ཐེན་ཅིན་གྱི་གསོམ་སྡོང་། ཐང་ཤིང་དང་དེ་བཞིན་རང་ཡུལ་གྱི་ལྕང་མ་སོགས་ཤིང་སོན་སྡོང་ཕྲུག་དུ་མ་སྔོ་ལྗང་ལྗང་དུ་སྐྱེས་ཤིང་ག་ས་གང་དུ་མི་རྣམས་ལས་ལ་བྲེལ་བའི་རྒྱབ་གཟུགས་མཐོང་དུ་ཡོད་པ་རེད།

ཤེས་རྟོགས་བྱུང་བར་གཞིགས་ན། ཆབ་མདོ་གྲོང་ཁྱེར་ནགས་ལས་ཚད་ཡོད་འགན་འཁྲི་ཀུང་སི་ཡིས་ཁ་རུབ་ཆུས་དང་བྲག་གཡབ་རྫོང་། སྨར་ཁམས་རྫོང་དང་རི་བོ་ཆེ་རྫོང་སོགས་སུ་ས་གནས་མི་སེར་ཚོ་དང་ས་ཞིང་བོགས་གཏོང་གི་གན་རྒྱ་བཞག་ནས་སྡོང་ཕྲུག་འདེབས་གསོའི་རྟེན་གཞི་བཙུགས་ཡོད། 2018ལོ་ནས་བཟུང་། རིམ་རྩིས་བྱས་ན་ས་གནས་མང་ཚོགས་ལ་ས་ཞིང་གཡར་གླ་སྒོར45412200ཙམ་དང་། ཞོར་ལས་གླ་ཕོགས་སྒོར108826ཙམ། ཁེ་སྤོགས་སྒོར345000ཙམ་སྤྲད་ཟིན། དེའི་ནང་ཞུགས་མཁན་དུད་གྲངས820དང་མི་གྲངས3906ཙམ་ཟིན་ཞིང་། དུད་རེར་ཆ་སྙོམས་ཡོང་འབབ་སྒོར57000ལྷག་བྱུང་ཡོད། དེ་ཡང་། 2022ལོར་ཆབ་མདོ་གྲོང་ཁྱེར་གྱི་གཞུང་ཁོངས་ནགས་ར་ལ་རྒྱལ་ཡོངས་སྔོ་ལྗང་ཅན་གྱི་སྔོན་ཐོན་མཉམ་སྡེབ་ཅེས་པའི་མཚན་སྙན་ཐོབ་པ་དང་། རང་སྐྱོང་ལྗོངས་ཡོངས་ཀྱི་ནགས་དཔོན་ལམ་ལུགས་ཀྱི་ཞིབ་བཤེར་རྩིས་ལེན་ཐོག་ཨང་དང་པོ་རག་པ་རེད།

མིག་སྔར་མི་ཁྱོན་བསྡོམས2522ཙམ་ལྷ་སའི་ལྷོ་བྱང་རི་བོ་སྔོ་ལྗང་ལས་གྲྭར་ཞོར་ལས་མངགས་པས་ཞོར་ལས་ཡོང་འབབ་སྒོར་ཁྲི1700ལྷག་བྱུང་ཞིང་མི་རེར་སྒོར7000ལྷག་ཐོབ་ཡོད།

གྲོང་ཁྱེར་ནགས་རྩྭ་ཅུད་ཀྱི་བསྡོམས་རྩིས་ལ་གཞིགས་ན། མིག་སྔར། ཆབ་མདོ་གྲོང་ཁྱེར་ལ་ནགས་ཚལ་རྒྱ་ཁྱོན་སྤྱི་ཆིང་ཁྲི382ཙམ་ཡོད་ཅིང་། ནགས་ཚལ་མཐུག་ཚད་སྨི་ལྷམ་པ་དུང་ཕྱུར2དང་ཁྲི6200ཡོད་ལ། རྩྭ་ཐང་ལ་ཤིང་ནགས་ཁེབས་ཚད34.78%ཟིན་ཞིང་། རྩྭ་ཐང་རྒྱ་ཁྱོན་སྤྱི་ཆིང་ཁྲི571དང4600ཡོད་ལ། རྩྭ་ཐང་ལ་རྩྭ་རྩི་ཁེབས་ཚད78.04%ཟིན་པ་དང་། འདམ་ར་རྒྱ་ཁྱོན་སྤྱི་ཆིང་ཁྲི10དང5000ཟིན་ཞིང་འདམ་རར་སྲུང་སྐྱོབ་ཐུབ་ཚད15.34%ཟིན་ཡོད།