གྲོང་ཁྱེར་སློབ་གསོ་ཅུས་ཀྱིས།སློབ་གྲྭ་ཆུང་འབྲིང་གི་སློབ་མའི་ཀྲུང་ཧྭའི་སྙན་ངག་འགྲན་ཚོགས་སྐབས་གཉིས་པའི་མཐའ་མཇུག་འགྲན་སྡུར་གཉེར་བ།

གསར་འགྱུར་སྤེལ་དུས། 　【2024-10-08 09:00:00】

འདི་ག་ཚགས་པར་ཁང་དུ་གནས་ཚུལ་འབྱོར་གསལ། ཟླ་9ཚེས་30ཉིན། གྲོང་ཁྱེར་སློབ་གསོ་ཅུས་ཀྱིས་སློབ་གྲྭ་ཆུང་འབྲིང་སློབ་མའི་ཀྲུང་ཧྭའི་སྙན་ངག་འགྲན་ཚོགས་སྐབས་གཉིས་པའི་མཐའ་མཇུག་འགྲན་སྡུར་གཉེར་བ་རེད། དེའི་དམིགས་ཡུལ་ནི་ཏང་གི་ཚོགས་ཆེན་ཉི་ཤུ་པའི་དགོངས་དོན་ལག་བསྟར་དོན་འཁྱོལ་བྱས་ཏེ་ཀྲུང་ཧྭའི་ཕུལ་བྱུང་སྲོལ་རྒྱུན་རིག་གནས་དར་སྤེལ་གཏོང་བ་དང་།སློབ་གྲྭ་ཆུང་འབྲིང་གི་སློབ་མས་སྙན་ངག་ལ་དགའ་ཞེན་བྱ་རྒྱུར་སྐུལ་སྤེལ་གཏོང་བ། ཁོ་ཚོའི་རྩོམ་རིག་བྱང་ཚད་མཐོ་རུ་གཏོང་བ་བཅས་བྱ་རྒྱུ་དེ་རེད།

སྔ་དྲོའི་ཆུ་ཚོད་9པའི་ཐོག རྒྱལ་ཕམ་ཐག་གཅོད་ཀྱི་འགྲན་བསྡུར་དེ་བདམས་ཐོན་པས《ཆིན་ཡོན་ཁྲུན•གངས》ཞེས་པ་སྙན་ངག་གྱེར་འདོན་བྱེད་པའི་ཁྲོད་འགོ་ཚུགས་པ་རེད། རྒྱལ་ཕམ་ཐག་གཅོད་ཀྱི་འགྲན་བསྡུར་གྱི་རྣམ་པ་ཕུན་སུམ་ཚོགས་པོ་ཡོད་པ་སྟེ། སྙན་ངག་སྦྲེལ་མཐུད་དང་ཚིག་གདམ་སྙན་འབྲེལ། གྱེར་འདོན་སོགས་ཡོད།

འགྲན་བསྡུར་བྱ་ཡུལ་དུ་ཛ་དྲག་ཆེ་ལ་འཁྲུག་ཆ་དོད་པ། ཆུ་ཚོད་བཞིའི་འགྲན་བསྡུར་དྲག་པོ་བྱས་པ་བརྒྱུད། མཐར་ཆབ་མདོ་གྲོང་ཁྱེར་སློབ་ཆུང་དང་པོའི་ཀྲོའུ་ཧྲུའུ་ཧན་དང་ཆབ་མདོ་གྲོང་ཁྱེར་དམའ་རིམ་སློབ་འབྲིང་གི་ལི་ཧྲུའུ་ཅེ་སོ་སོར་སློབ་ཆུང་ཚོགས་ཆུང་དང་སློབ་འབྲིང་ཚོགས་ཆུང་གི་བྱ་དགའ་རིམ་པ་དང་པོ་ཐོབ་པ་རེད།

ཤེས་རྟོགས་བྱུང་བར་གཞིགས་ན། ད་ཐེངས་ཀྱི་འགྲན་བསྡུར་དེ་ཐོག་མའི་འགྲན་བསྡུར་དང་བསྐྱར་འགྲན།རྒྱལ་ཕམ་ཐག་གཅོད་བཅས་དུས་མཚམས་གསུམ་ལ་དབྱེ་ཡོད་པ་དང་།ཐོག་མའི་འགྲན་བསྡུར་དེ་རྫོང（ཆུས）ཁག་གི་སློབ་གྲྭ་ཁག་གིས་མི་10གྲོང་ཁྱེར་ཡོངས་ཀྱི་བསྐྱར་འགྲན་དང་རྒྱལ་ཕམ་ཐག་གཅོད་ཀྱི་འགྲན་བསྡུར་ནང་ཞུགས་རྒྱུའི་འོས་སྦྱོར་བྱས་པ་དང་།གྲོང་ཁྱེར་ཡོངས་ཀྱི་སློབ་གྲྭ་འབྲིང་ཆུང་གི་སློབ་མའི་བདམས་ཐོན་པ་120བསྐྱར་འགྲན་ནང་ཞུགས་ནས་མཐར་བདམས་ཐོན་པ་50རྒྱལ་ཕམ་ཐག་གཅོད་ཀྱི་འགྲན་བསྡུར་ནང་ཚུད་ཡོད།