འཇོ་མདའ་རྫོང་བྱིས་པ་ཁང་གཉིས་པས་མེ་ཟོན་རུ་མིར་གུས་བཀུར་ཞུས་པ།

གསར་འགྱུར་སྤེལ་དུས། 　【2024-11-08 09:00:00】

པར་འདི་ནི་ཕྲུ་གུ་ཚོས་མེ་གསོད་ཡོ་བྱད་དང་སྒྲིག་ཆས་ལ་མྱོང་རོལ་བྱེད་བཞིན་པ།

འདི་ག་ཚགས་པར་ཁང་དུ་གནས་ཚུལ་འབྱོར་གསལ། རྒྱལ་ཡོངས་ཀྱི་མེ་ཟོན་ཉིན་མོ་ཐེངས33པ་འཆར་ཉེར་ཡོད་པའི་སྐབས་སུ། ཟླ11ཚེས4ཉིན། འཇོ་མདའ་རྫོང་བུ་བཅོལ་ཁང་གཉིས་པའི་འཛིན་གྲྭ་ཆེ་བའི་སློབ་མ་ཚོ་འཇོ་མདའ་རྫོང་མེ་ཟོན་རོགས་སྐྱོབ་རུ་ཆེན་ལ་བསྐྱོད་དེ། མེ་ཟོན་འཚོ་བ་ཉམས་ལེན་དང་། མེ་ཟོན་གྱི་རྣམ་པ་མྱོང་རོལ་བཅས་བྱས་ཏེ་མེ་ཟོན་བདེ་འཇགས་ཀྱི་འདུ་ཤེས་ཟབ་ཏུ་བཏང་ཡོད་པ་རེད།

ཡུལ་དངོས་སུ་མེ་གསོད་རླངས་འཁོར་ནང་གི་ཡོ་བྱད་སྒྲིག་ཆས་ལ་ལྟད་མོ་བལྟས་པ་དང་མེ་གསོད་མི་སྣའི་རྒྱུན་གཏན་གྱི་མེ་ཟོན་ཡོ་བྱད་སྒྲིག་ཆས་ཀྱི་ནུས་པ་དང་སྤྱོད་སྟངས་ངོ་སྤྲོད་ཞིབ་ཕྲ་བྱས་ནས། གྲོགས་པོ་ཆུང་ཆུང་ཚོས་མེ་གསོད་མི་སྣའི་བདེ་སྲུང་རྨོག་ཞྭ་དང་། འགོག་སྲུང་གྱོན་ཆས་སོགས་ཚོད་ལྟ་བྱས་ཏེ“མེ་ཟོན་པ་ཆུང་ཆུང་”ཞིག་བྱེད་པའི་མྱོང་ཚོར་ཟབ་མོ་བྱུང་བ་དང་། དེའི་ཁྲོད་ནས་མེ་གསོད་མི་སྣའི་ལས་ཀ་ནི་ལས་སླ་པོ་ཞིག་མེད་པ་ཤེས་རྟོགས་ཐུབ་པ་རེད།

འཇོ་མདའ་རྫོང་མེ་ཟོན་རོགས་སྐྱོབ་རུ་ཆེན་གྱི་རུ་མི་ཀུན་དགའ་རིན་ཆེན་གྱིས་ད་ཐེངས་ཀྱི་བྱེད་སྒོས་དགེ་སློབ་ཚོའི་མེ་ཟོན་བདེ་འཇགས་ཀྱི་འདུ་ཤེས་ཕན་ནུས་ལྡན་པའི་ངང་ཆེ་རུ་ཕྱིན་ནས། ཁོ་ཚོར་འཕྲལ་སྡོམ་སྲོག་ཉེན་ལས་ཐར་པའི་ནུས་པ་དེ་བས་ལེགས་པའི་ངང་ཁོང་དུ་ཆུད་ཐུབ་པ་དང་མེ་སྐྱོན་གྱི་གནོད་འཚེར་ངོས་འཛིན་གང་ཡག་ཐུབ་པ་དང་། སློབ་གྲྭའི་བདེ་འཇགས་བརྟན་ལྷིང་སྲུང་སྐྱོང་བྱ་རྒྱུར་ཕན་པ་ཡོད་པ་དང་། མེ་སྐྱོན་ཐོན་སྲིད་པའི་གནོད་སྐྱོན་ཉུང་དུ་གཏོང་བ། དགེ་སློབ་ཀྱི་ཚེ་སྲོག་དང་སློབ་གྲྭའི་རྒྱུ་ནོར་གྱི་བདེ་འཇགས་འགན་ལེན་བཅས་ལ་ཕན་ཐོགས་ཡོད། མེ་ཟོན་ཤེས་བྱ་སློབ་གྲྭའི་ནང་རྒྱ་ཁྱབ་ངང་བརྒྱུད་སྤེལ་ཐུབ་ནས། མེ་ཟོན་བདེ་འཇགས་ཀྱི་རྣམ་པ་བཟང་པོ་ཞིག་ཆགས་པ་དང་མི་སྔར་ལས་མང་བས་མེ་ཟོན་ལ་དོ་ཁུར་བྱ་རྒྱུར་སྐུལ་ཁྲིད་ཐུབ་ཡོད་ཅེས་བཤད།