གྲོང་ཁྱེར་ཡོངས་ཀྱི་སློབ་གྲྭ་ཆུང་འབྲིང་གི་བསམ་བློའི་ཆབ་སྲིད་སློབ་ཚན་དགེ་རྒན་གྱི་ནུས་རྩལ་སྤེལ་རེས་འགྲེམས་སྟོན་བྱེད་སྒོ་སྤེལ་བ།

གསར་འགྱུར་སྤེལ་དུས། 　【2024-12-03 09:00:00】

འདི་ག་ཚགས་པར་ཁང་དུ་གནས་ཚུལ་འབྱོར་གསལ། ཟླ11ཚེས28ཉིན། གྲོང་ཁྱེར་ཡོངས་ཀྱི་སློབ་གྲྭ་ཆུང་འབྲིང་གི་བསམ་བློའི་ཆབ་སྲིད་སློབ་ཚན་དགེ་རྒན་གྱི་ནུས་རྩལ་སྤེལ་རེས་འགྲེམས་སྟོན་བྱེད་སྒོ་དེ་ཆབ་མདོ་གྲོང་ཁྱེར་མཐོ་འབྲིང་དང་པོ་སྤེལ་བ་དང་། གྲོང་ཨུད་ཀྱི་ཧྲུའུ་ཅི་གཞོན་པ་ཝང་ཡ་ཏུང་བྱེད་སྒོ་ཞུགས་པ་མ་ཟད་གསུང་བཤད་ཀྱང་གནང་ཡོད། མཐོ་འབྲིང་ཚོགས་ཆུང་དུ་ཆབ་མདོའི་མཐོ་འབྲིང་བཞི་པའི་དགེ་རྒན་ཏིང་ཅ་ཧུའེ་ཡིས《ཀྲུང་ཧྭའི་ཕུལ་བྱུང་སྲོལ་རྒྱུན་རིག་གནས་དང་མི་རིགས་ཀྱི་སྙིང་སྟོབས་དར་སྤེལ་གཏོང་དགོས》དང་། ཆབ་མདོའི་མཐོ་འབྲིང་དྲུག་པའི་དགེ་རྒན་ཐེན་ཨེ་ཆུང་གིས་གྱོད་དཔེའི་ལམ་ནས་ཁྲིམས་བཀོད་ཤུལ་འཛིན་གྱི་འབྲེལ་བར་འགྲེལ་བཤད་བསྐྱོན་པ། ཆབ་མདོའི་མཐོ་འབྲིང་གསུམ་པའི་དགེ་རྒན་ཝང་ཧུའུ་ཡིས་རིགས་གཞུང་དང་ལག་ལེན་ཐོག་ནས་མི་དམངས་ལྟེ་བར་བཟུང་སྟེ་འཕེལ་རྒྱས་གསར་པའི་འདུ་ཤེས་ལག་བསྟར་བྱེད་དགོས། ཆབ་མདོའི་མཐོ་འབྲིང་དང་པོའི་དགེ་རྒན་ཧུའུ་ཀྲེང་ཁྲིང་གིས་ཞིབ་བསྡུར་དང་དབྱེ་ཞིབ་ཀྱི་ཐབས་ལ་བརྟེན་ནས་བྲན་གཡོག་སྤྱི་ཚོགས་ཀྱི་དོན་དངོས་རང་བཞིན་དམར་རྗེན་དུ་བཏོན་ནས་སྤྱི་ཚོགས་རིང་ལུགས་ལམ་ལུགས་ཀྱི་ཁྱད་འཕགས་རང་བཞིན་མངོན་པར་མཚོན་བཅས་བསམ་བློའི་ཆབ་སྲིད་སློབ་ཚན་འཚོགས་ཡོད། ཝང་ཡ་ཏུང་གིས་བསམ་བློ་ཆབ་སྲིད་སློབ་ཚན་ཡག་པོ་སྒྲུབ་པའི་འགག་རྩ་ནི་དགེ་རྒན་ལ་ཐུག་ཡོད། རྒྱ་ཆེའི་བསམ་བློ་ཆབ་སྲིད་སློབ་ཚན་དགེ་རྒན་གྱིས་ཆབ་སྲིད་གོ་རྟོགས་མཐོ་དགོས་པ་དང་། བརྩེ་སེམས་ཟབ་ཏུ་གཏོང་བ། བསམ་གཞིགས་གསར་དགོས་ལ། མཐོང་རྒྱ་ཆེ་བ། རང་གཅུན་ནན་པོ་ཡིན་པ། མི་གཤིས་དྲང་པ་བཅས་བྱེད་དགོས་པར་མ་ཟད། ད་དུང་ཧུར་བརྩོན་རང་བཞིན་དང་རང་འགུལ་རང་བཞིན། གསར་གཏོད་རང་བཞིན་བཅས་དེ་བས་འདོན་སྤེལ་གང་ལེགས་བྱས་ཏེ། བློ་བརྟན་འགྱུར་མེད་ངང་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་ཀྱི་དགོངས་པར་བརྟེན་ནས་མི་སྣ་གསོ་སྐྱོང་བྱེད་དགོས་ཞེས་ནན་བཤད་གནང་ཡོད།