སྨར་ཁམས་ཀྱིས་ཡུལ་སྐོར་ལ་བརྟེན་ནས་ཐོན་ལས་འཕེལ་རྒྱས་ལ་གསོན་ཤུགས་བསྩལ་བ།

གསར་འགྱུར་སྤེལ་དུས། 　【2024-12-03 09:00:00】

       འདི་ག་ཚགས་པར་ཁང་དུ་གནས་ཚུལ་འབྱོར་གསལ། ཉེ་བའི་ལོ་ཤས་རིང་། སྨར་ཁམས་རྫོང་གིས་ཐུན་མོང་མ་ཡིན་པའི་ཡུལ་སྐོར་ཐོན་ཁུངས་ལ་བརྟེན་ནས་རིག་གནས་དང་ཡུལ་སྐོར་མཉམ་འདྲེས་འཕེལ་རྒྱས་ལ་ཕྱོགས་ཡོངས་ནས་སྐུལ་འདེད་དང་། རྨང་གཞིའི་སྒྲིག་བཀོད་འཐུས་ཚང་། ཡུལ་སྐོར་ལས་རིགས་ལེགས་གཏོང་། མཛེས་ལྗོངས་ཁུལ་གྱི་གསོན་ཤུགས་ཆེར་གཏོང་བཅས་བྱས་ཏེ། ཡུལ་སྐོར་ལས་དོན་ཡག་པོ་བསྒྲུབས་ནས་སྨར་ཁམས་ཡུལ་སྐོར་ཐོན་ལས་འཕེལ་རྒྱས་ཀྱི“སྒུལ་ཤུགས་ཆེན་པོ”བཏོད་ཡོད་པ་རེད། མིག་སྔའི་བར་རྫོང་ཡོངས་ཀྱིས་རིམ་རྩིས་བྱས་ན་ཡུལ་སྐོར་བ་མི་ཐེངས་ཁྲི་95.3ལ་སྣེ་ལེན་ཞུས་པ་དང་དུས་མཚུངས་ལས་57%འཕར་ནས་ཡུལ་སྐོར་གྱི་སྤྱིའི་ཡོང་འབབ་སྒོར་དུང་ཕྱུར་1.38ཟིན་པ་དང་དུས་མཚུངས་ལས་69%འཕར་ཡོད། སྨར་ཁམས་ཁྱད་ལྡན་ཡུལ་སྐོར་ཚོང་ཟོག་ལོའི་ཕྱིར་འཚོང་ཡོང་འབབ་སྒོར་ཁྲི་1000ལྷག་ཙམ་ཟིན་པ་དང་། ཞིང་འབྲོག་མང་ཚོགས་1900ལྷག་ཙམ་ཐད་ཀར་དང་གཞན་བརྒྱུད་ཀྱི་ཐོག་ནས་ལས་ཞུགས་ཐུབ་སྟེ། མི་རེའི་ཆ་སྙོམས་ཡོང་འབབ་སྒོར་4000བྱུང་ཡོད་པ་རེད།