ཁ་རུབ་ཆུས་ཀྱིས“ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་པོ་འཛུགས། སླར་ཡང་གླུ་ཞིག་བླངས་ནས་ཏང་ལ་འབུལ”ཞེས་པའི་སྡེབ་ལེན་ཆེ་མོའི་བྱེད་སྒོ་སྤེལ་བ།

གསར་འགྱུར་སྤེལ་དུས། 　【2024-12-10 09:00:00】

འདི་ནི་“ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་པོ་འཛུགས། སླར་ཡང་གླུ་ཞིག་བླངས་ནས་ཏང་ལ་འབུལ”ཞེས་པའི་སྡེབ་ལེན་ཆེ་མོའི་བྱེད་སྒོ་ཡུལ་དངོས་ཡིན་པ།

འདི་ག་ཚགས་པར་ཁང་དུ་གནས་ཚུལ་འབྱོར་གསལ། གླུ་གཞས་སྙན་མོ་དབྱངས་ལ་གྱེར། འབད་འཐབ་སྟོབས་ཤུགས་གཅིག་ཏུ་སྒྲིལ། ཟླ12ཚེས8ཉིན་གྱི་ཕྱི་དྲོར། ཁ་རུབ་ཆུས་ཨུད་དང་ཁ་རུབ་ཆུས་མི་དམངས་སྲིད་གཞུང་གིས་གཙོ་གཉེར་བྱས་པ་དང་། ཁ་རུབ་ཆུས་ཨུད་དྲིལ་བསྒྲགས་པུའུ་ཡིས་རོགས་སྒྲུབ་བྱས་པའི“ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་པོ་འཛུགས། སླར་ཡང་གླུ་ཞིག་བླངས་ནས་ཏང་ལ་འབུལ”ཞེས་པའི་སྡེབ་ལེན་ཆེ་མོའི་བྱེད་སྒོ་དེ་ཇ་རྟའི་ཐང་ཆེན་དུ་སྤེལ་བ་རེད།

གྲོང་ཁྱེར་གྱི་འགོ་ཁྲིད་ཀྲོང་ཅིན་སུང་དང་། ལའོ་ཆིན་འུའུ། ཝེ་ཤིན་ཀུའེ། ཀྲང་ཅན་ཧྭ། ལིས་གོ་ཅན། ཆི་དབྱིན་ཧའེ། རྡོ་རྗེ་དགྲ་འདུལ། དངོས་གྲུབ་ཟླ་བ་དང་། ཀྲའོ་པིན། ཝང་ཧྲི་ཡུས། ཅཱ་ཤིན་ཡུས། ཏེང་ཝུན་ཁྲང་དེ་བཞིན་དམངས་འཐུས་དང་། སྲིད་གཞུང་། སྲིད་གྲོས་བཅས་ཀྱི་གྲོང་ཁྱེར་རིམ་པའི་འགོ་ཁྲིད་ཞུགས་ཡོད། ཁ་རུབ་ཆུས་ཀྱི་སྡེབ་ལེན་ཚོགས་པ་བཅུ་གསུམ་གྱི་ལས་བྱེད་མང་ཚོགས་ཆིག་སྟོང་ལྷག་གིས་ལུས་ལ་མི་རིགས་ཀྱི་རྒྱན་ཆས་དང་ལས་རིགས་ཀྱི་ལས་གོས་ལེགས་པར་སྤྲས་ནས་ལྷན་ཅིག་ཏུ་སྙན་འཇེབས་ཀྱི་གླུ་གཞས་བླངས་ཏེ་ཏང་དང་རླབས་ཆེན་མེས་རྒྱལ་ལ་བཅངས་པའི་བརྩེ་སེམས་མཚོན་ཡོད། ཁ་རུབ་ཆུས་སློབ་གསོའི་ཁོངས་གཏོགས་ཀྱིས《ཁ་རུབ་ཀྱི་སེམས་སྒྲ》ཞེས་པ་སྙན་ངག་གྱེར་འདོན་བྱས་ཏེ་བྱེད་སྒོ་དངོས་སུ་འགོ་ཚུགས་པ་དང་།《འུ་ལག་རི་བོ》《དཔའ་བོ་དག་ནི་རྒྱལ་མོ་རྔུལ་ཆུ་ལས་རྒྱལ》《ནམ་ལངས་སོང་། བཅིངས་འགྲོལ་ཐོབ་བྱུང 》《ཡར་ལངས་ཞིང་བྲན་གྱིས་དགའ་བའི་གླུ་ལེན》《མའོ་ཀྲུའུ་ཞིའི་གཟི་བརྗིད》《སྤྱི་ཚོགས་རིང་ལུགས་ཡག》《གོས་འཁྲུད་གླུ་གཞས》《སླར་ཡང་གླུ་ཞིག་བླངས་ནས་ཏང་ལ་འབུལ》སོགས་གསར་བརྗེའི་གླུ་གཞས་གཅིག་རྗེས་གཉིས་མཐུད་ངང་བླངས་ཡོད།

མཇུག་མཐར་ཚང་མས《སྐྱིད་པའི་མེས་རྒྱལ་གླུ་ཡིས་བསྟོད》ཅེས་པ་མཉམ་ལེན་བྱས་ཏེ་བྱེད་སྒོ་མཇུག་བསྡུས་པ་རེད།