ཆབ་མདོས《སེ་འབྲུའི་མེ་ཏོག་བཞད།—བོད་ལྗོངས་ཆབ་མདོའི་བོད་རྒྱ་གཉེན་སྒྲིག་གཏམ་རྒྱུད་ཕྱོགས་བསྡུས》ཅེས་པའི་དཔེ་དེབ་གསར་པའི་ཡོངས་བསྒྲགས་ཚོགས་འདུ་འཚོགས་པ།

གསར་འགྱུར་སྤེལ་དུས། 　【2024-12-13 09:00:00】

གྲོང་ཨུད་ཀྱི་ཧྲུའུ་ཅི་གཞོན་པ་ཧྲི་ཀྲང་ལའོ་ཆིན་འུའུ་དང་།གྲོང་ཁྱེར་སྲིད་གྲོས་ཀྱི་ཏང་ཙུའི་ཧྲུའུ་ཅི་ཀྲུའུ་ཞི་རྡོ་རྗེ་དགྲ་འདུལ་རྣམ་གཉིས་ཀྱིས་དཔེ་དེབ་གསར་པའི་ཡོངས་བསྒྲགས་ཚོགས་འདུ་ཞུགས་པ་མ་ཟད་དཔེ་དེབ་གསར་པའི་ཡོལ་བ་ཕྱེས་པ།

འདི་ག་ཚགས་པར་ཁང་དུ་གནས་ཚུལ་འབྱོར་གསལ། སེ་འབྲུའི་མེ་ཏོག་བཞད། རྒྱ་བོད་བརྩེ་བ་ཟབ། ཟླ12པའི་ཚེས11ཉིན།གྲོང་ཨུད་དྲིལ་བསྒྲགས་པུའུ་དང་གྲོང་ཁྱེར་རིག་རྩལ་ལྷན་ཚོགས་ཀྱིས《སེ་འབྲུའི་མེ་ཏོག་བཞད།—བོད་ལྗོངས་ཆབ་མདོའི་བོད་རྒྱ་གཉེན་སྒྲིག་གཏམ་རྒྱུད་ཕྱོགས་བསྡུས》ཅེས་པའི་དཔེ་དེབ་གསར་པའི་ཡོངས་བསྒྲགས་ཚོགས་འདུ་འཚོགས་པ་རེད།

གྲོང་ཨུད་ཀྱི་ཧྲུའུ་ཅི་གཞོན་པ་ཧྲི་ཀྲང་ལའོ་ཆིན་འུའུ་དང་།གྲོང་ཁྱེར་སྲིད་གྲོས་ཀྱི་ཏང་ཙུའི་ཧྲུའུ་ཅི་ཀྲུའུ་ཞི་རྡོ་རྗེ་དགྲ་འདུལ་རྣམ་གཉིས་ཀྱིས་དཔེ་དེབ་གསར་པའི་ཡོངས་བསྒྲགས་ཚོགས་འདུ་ཞུགས་པ་མ་ཟད་དཔེ་དེབ་གསར་པའི་ཡོལ་བ་ཕྱེས་པ་རེད།

དཔེ་དེབ་གསར་པའི་ཡོངས་བསྒྲགས་ཚོགས་འདུའི་ཐོག གྲོང་ཨུད་ཀྱི་ཧྲུའུ་ཅི་གཞོན་པ་ཧྲི་ཀྲང་ལའོ་ཆིན་འུའུ་ཡིས་ཤིས་ཚིག་ནང《སེ་འབྲུའི་མེ་ཏོག་བཞད།—བོད་ལྗོངས་ཆབ་མདོའི་བོད་རྒྱ་གཉེན་སྒྲིག་གཏམ་རྒྱུད་ཕྱོགས་བསྡུས》ཅེས་པའི་དཔེ་དེབ་ཀྱི་རིག་གནས་དོན་སྙིང་དང་།ལོ་རྒྱུས་རིན་ཐང་ལ་ཚད་མཐོའི་གདེང་འཇོག་གནང་ཞིང་།དཔེ་དེབ་དེ་དཔར་སྐྲུན་བྱས་པ་དེས་མི་རིགས་མཐུན་སྒྲིལ་ལ་ཤུགས་སྣོན་རྒྱག་པ་དང་སྤྱི་ཚོགས་ཞི་མཐུན་ལ་སྐུལ་འདེད་གཏོང་བར་རིག་གནས་ཀྱི་རིན་ཐང་དང་ལོ་རྒྱུས་ཀྱི་དོན་སྙིང་ལྡན་པས་སེ་འབྲུའི་མེ་ཏོག་བཞད་པ་ལྟ་བུའི་མཛེས་སྡུག་ལྡན་པའི་གཏམ་རྒྱུད་དེ་བོད་ཤར་དང་གངས་ལྗོངས་ས་མཐོའི་ཡུལ་གྲུར་ཁྱབ་རྒྱུའི་རེ་བ་ཡོད་ཅེས་གསུངས།

གྲོང་ཁྱེར་སྲིད་གྲོས་ཀྱི་ཀྲུའུ་ཞི་གཞོན་པ་གྲོང་ཁྱེར་རིག་རྩལ་ལྷན་ཚོགས་ཀྱི་མཚན་འཛིན་ཀྲུའུ་ཞི་ཐུབ་དགའ་ཡིས་དཔེ་དེབ་གསར་པ་ཁྱབ་བསྒྲགས་འོས་སྦྱོར་བྱས་པ་མ་ཟད།《སེ་འབྲུའི་མེ་ཏོག་བཞད།—བོད་ལྗོངས་ཆབ་མདོའི་བོད་རྒྱ་གཉེན་སྒྲིག་གཏམ་རྒྱུད་ཕྱོགས་བསྡུས》ཅེས་པའི་དེབ་གསར་གྱི་གསར་རྩོམ་གྱི་རྒྱབ་ལྗོངས་དང་ནང་དོན་མདོར་བསྡུས་དེ་བཞིན་དོན་སྙིང་གལ་ཆེན་ངོ་སྤྲོད་བྱས་པ་རེད།

ཤེས་རྟོགས་བྱུང་བར་གཞིགས་ན། རང་སྐྱོང་ལྗོངས་སྲིད་གྲོས་ཀྱི་ཀྲུའུ་ཞི་གཞོན་པ་ལྗོངས་བཟོ་ཚོང་མཉམ་འབྲེལ་ལྷན་ཚོགས་ཀྱི་ཀྲུའུ་ཞི།ལྗོངས་སྤྱི་ཁྱབ་ཚོང་ཚོགས་ཀྱི་ཚོགས་གཙོ་རྡོ་རྗེ་ཚེ་སྒྲུབ་ཀྱིས་དེབ་དེའི་ནང་ཆབ་མདོའི་མི་རིགས་མཐུན་སྒྲིལ་གྱི་ཡུན་རིང་གི་ལོ་རྒྱུས་སྔོག་འདོན་དང་དར་སྤེལ་གཏོང་རྒྱུའི་གྲོས་འགོ་བཏོན་ཡོད།དེབ་དེའི་ནང་བོད་རྒྱ་གཉེན་སྒྲིག་གི་གཏམ་རྒྱུད་15བསྡུས་ནས་ཁྱོན་ཡིག་འབྲུ་ཁྲི་28.8དང་དེབ་ཁྲི་1པར་སྐྲུན་བྱས་ཡོད་པ་རེད། གྲོང་ཨུད་ཀྱི་རྒྱུན་ཨུ་དྲིལ་བསྒྲགས་པུའུ་ཀྲང་དངོས་གྲུབ་ཟླ་བས་མཛད་སྒོ་གཙོ་སྐྱོང་ཞུས་པ་དང་།གྲོང་ཁྱེར་སྲིད་གྲོས་ཀྱི་ཀྲུའུ་ཞི་གཞོན་པ་ཀྲང་ཝན་ལི་ཡོངས་བསྒྲགས་ཚོགས་འདུ་ཞུགས་ཡོད།བྱེད་སྒོ་ནང་ཁ་རུབ་ཆུས་དུས་རབས་གསར་པའི་ཤེས་དཔལ་ལག་ལེན་ལྟེ་གནས་དང་།གྲོང་ཁྱེར་བཟོ་ཚོང་མཉམ་འབྲེལ་ལྷན་ཚོགས།གྲོང་ཁྱེར་མི་རིགས་ལས་དོན་ཨུ་ཡོན་ལྷན་ཁང་། གྲོང་ཁྱེར་དཔེ་མཛོད་ཁང་དེ་བཞིན་མང་ཚོགས་དང་།སློབ་མ།གྲྭ་བཙུན།ཁེ་ལས་བཅས་ཀྱི་འཐུས་མིར་དཔེ་དེབ་སྤྲད་ཡོད།