རང་རེའི་གྲོང་ཁྱེར་གྱིས་འཛད་རྫས་གསར་རྙིང་བརྗེས་ནས་འཛད་སྤྱོད་ཁྲོམ་རར་གསོན་ཤུགས་གསར་པ་བསྣན་པ།

གསར་འགྱུར་སྤེལ་དུས། 　【2024-12-13 09:00:00】

པར་འདི་ནི་ཀྲོང་ཅིན་སུང་དང་། ལའོ་ཆིན་འུའུ། ཝེ་ཤིན་ཀུའེ། ཀྲང་ཅན་ཧྭ། ལིས་གོ་ཅན། ཆིས་ཡན་ཧུའེ། རྡོ་རྗེ་དགྲ་འདུལ། དངོས་གྲུབ་ཟླ་བ། ཀྲའོ་པིང་། ཝང་ཧྲི་ཡུས། ཅཱ་ཤིན་ཡུས། ཏིན་ཝུན་ཁྲང་དེ་བཞིན་གྲོང་ཁྱེར་དམངས་འཐུས་དང་། སྲིད་གཞུང་། སྲིད་གྲོས་བཅས་ཀྱི་གྲོང་ཁྱེར་རིམ་པའི་འགོ་ཁྲིད་བྱེད་སྒོ་ཡུལ་དངོས་སུ་ཕེབས་ཏེ་ལས་དོན་ལ་མཛུབ་ཁྲིད་གནང་བཞིན་པ།

འདི་ག་ཚགས་པར་ཁང་དུ་གནས་ཚུལ་འབྱོར་གསལ། འདི་ལོར་ཆབ་མདོ་གྲོང་ཁྱེར་གྱིས་རྒྱལ་ཁབ་དང་རང་སྐྱོང་ལྗོངས་ཀྱི“གཞི་ཁྱོན་ཆེ་བའི་སྒྲིག་ཆས་གསར་བརྗེ་དང་འཛད་རྫས་གསར་རྙིང་བརྗེ་བར་སྐུལ་འདེད་ཤུགས་ཆེན་གཏོང་རྒྱུའི་སྐོར་གྱི”ལས་དོན་བཀོད་སྒྲིག་བླང་བྱ་ལག་བསྟར་ཧུར་ཐག་བྱས་ནས། རླངས་འཁོར་དང་། ཁྱིམ་སྤྱོད་གློག་ཆས། ཐབ་ཆས་སོགས་འཛད་རྫས་གསར་རྙིང་བརྗེ་བའི་བྱེད་སྒོ་ལ་སྐུལ་འདེད་ཧུར་ཐག་བཏང་ཡོད།

ཟླ12པའི་ཚེས8ཉིན་གྲོང་ཁྱེར་འཕེལ་སྒྱུར་ཨུ་ལྷན་དང་། གྲོང་ཁྱེར་འགྲིམ་འགྲུལ་སྐྱེལ་འདྲེན་ཅུད། གྲོང་ཁྱེར་ཚོང་དོན་ཅུད། གྲོང་ཁྱེར་དཔལ་འབྱོར་དང་ཆ་འཕྲིན་ཅན་ཅུད་དེ་བཞིན་ཁ་རུབ་ཆུས་ཀྱི་འབྲེལ་ཡོད་ཚན་པ་དང་མཉམ་འབྲེལ་གྱིས་བཙུགས་པའི་དྲིལ་བསྒྲགས་ས་ཚིགས24ཡིས་གྲོང་མིར་གསར་རྙིང་བརྗེ་བའི་ཁེ་སྤོགས་འགྲེམས་སྟོན་བྱས་ཡོད།

ཀྲོང་ཅིན་སུང་དང་། ལའོ་ཆིན་འུའུ། ཝེ་ཤིན་ཀུའེ། ཀྲང་ཅན་ཧྭ། ལིས་གོ་ཅན། ཆིས་ཡན་ཧུའེ། རྡོ་རྗེ་དགྲ་འདུལ། དངོས་གྲུབ་ཟླ་བ། ཀྲའོ་པིང་། ཝང་ཧྲི་ཡུས། ཅཱ་ཤིན་ཡུས། ཏིན་ཝུན་ཁྲང་དེ་བཞིན་གྲོང་ཁྱེར་དམངས་འཐུས་དང་། སྲིད་གཞུང་། སྲིད་གྲོས་བཅས་ཀྱི་གྲོང་ཁྱེར་རིམ་པའི་འགོ་ཁྲིད་བྱེད་སྒོ་ཡུལ་དངོས་སུ་ཕེབས་ཏེ་ལས་དོན་ལ་མཛུབ་ཁྲིད་གནང་ཡོད།

ཤེས་རྟོགས་བྱུང་བར་གཞིགས་ན། དེ་ཉིན་བྱེད་སྒོ་སྤེལ་རིང་འཛད་རྫས་གསར་རྙིང་བརྗེ་བའི་མ་དངུལ་སྒོར312300གཤམ་སྤྲོད་བྱས་པ་ནས་སྒོར་ཁྲི229ཙམ་སྤྱད་པ་དང་། དྲིལ་བསྒྲགས་ཡི་གེ1650ལྷག་སྤྲད་དེ་མང་ཚོགས4300ལྷག་ལ་ཕན་ཐོགས་བྱུང་བ་རེད།

ད་ལོའི་ཟླ10པའི་ནང་གསར་རྙིང་བརྗེ་བའི་བྱེད་སྒོ་སྤེལ་ཚུན། དེའི་ནང་རླངས་འཁོར་གསར་རྙིང497དང་། ཁྱིམ་སྤྱོད་གློག་ཆས་གསར་རྙིང་ཁྲི2.4 ཁྱིམ་ཆས་དང་། ཐབ་ཆས། གསང་སྤྱོད་ཡོ་བྱད་བཅས14018བརྗེས་པར་འཛད་སྤྱོད་ཁྲོམ་རར་གསོན་ཤུགས་གསར་པ་བསྣན་ཡོད།