ཆབ་མདོ་གྲོང་ཁྱེར་ནགས་ཚལ་མེ་ཟོན་ཉིང་ལག་རུ་ཁག་མཛོ་སྒང་རྫོང་རུ་འབྲིང་གིས་སློབ་གྲྭར་ས་ཡོམ་གྱི་འཕྲལ་སྡོམ་ནང་སྦྱོང་བྱས་པ།

གསར་འགྱུར་སྤེལ་དུས། 　【2024-12-17 09:00:00】

འདི་ག་ཚགས་པར་ཁང་དུ་གནས་ཚུལ་འབྱོར་གསལ། ཡོམ་འགོག་གེགས་སེལ་གྱི་ཤེས་བྱ་སྔར་བས་ཁྱབ་གདལ་བཏང་ནས། བདེ་འཇགས་ཀྱི་འདུ་ཤེས་ཟབ་ཏུ་དང་ས་ཡོམ་སོགས་ཐོལ་བྱུང་དོན་རྐྱེན་ཁྲོད་ཀྱི་སློབ་གྲྭའི་དགེ་སློབ་ཚོའི་འཕྲལ་སྡོམ་ཉེན་གཡོལ་གྱི་ནུས་པ་ཆེ་རུ་གཏོང་ཆེད། ཉེ་ཆར། ཆབ་མདོ་གྲོང་ཁྱེར་ནགས་ཚལ་མེ་ཟོན་ཉིང་ལག་རུ་ཁག་མཛོ་སྒང་རྫོང་རུ་འབྲིང་གིས་མཛོ་སྒང་རྫོང་སློབ་ཆུང་གཉིས་པར་ས་ཡོམ་གྱི་འཕྲལ་སྡོམ་ནང་སྦྱོང་བྱས་པ་རེད།

ས་ཡོམ་གྱི་འཕྲལ་སྡོམ་ནང་སྦྱོང་ཁྲོད་དགེ་སློབ་ཡོངས་ཀྱིས་མེ་ཟོན་མི་སྣའི་ཁྲིད་སྟོན་འོག་སྔོན་གཏན་འཁེལ་བའི་ཁ་འགྲེམས་ལམ་ཐིག་གཞིར་བཟུང་། བདེ་འཇགས་ལྡན་པ་དང་། གོ་རིམ་ལྡན་པ། མགྱོགས་མྱུར་བཅས་ཀྱི་སྒོ་ནས་ཐོན་སྒོ་ཁག་ནས་བདེ་འཇགས་ས་ཁོངས་སུ་ཕྱིར་འཐེན་བྱས་པས། དུས་ཐུང་སྐར་མ་ཁ་ཤས་ནང་སློབ་གྲྭའི་དགེ་སློབ་ཡོངས་རྫོགས“ཉེན་ཁ”ལས་ཐར་ཡོད།

ནང་སྦྱོང་མཇུག་འགྲིལ་རྗེས། མེ་ཟོན་མི་སྣས་ས་གནས་ས་ཐོག་ཏུ་མཉམ་འགུལ་དྲི་བ་འདོན་པ་དང་། དྲིལ་བསྒྲཌ་ལག་དེབ་དང་ལག་རྟགས་སྤྲོད་པ་སོགས་ཀྱི་རྣམ་པ་བརྒྱུད། དགེ་སློབ་ཚོར་ས་ཡོམ་གྱི་འབྱུང་རྐྱེན་དང་། སྔོན་ཚུད་ཉེན་བརྡ། ཉེན་གཡོལ་སོགས་ཀྱི་གཞི་རྩའི་ཤེས་བྱ་ཁྱབ་གདལ་བཏང་བ་དང་འབྲེལ། གསོན་ཉམས་དོད་ལ་དགོད་བྲོ་བ་དང་གོ་བདེ་ཤེས་སླའི་སྐད་ཆའི་ཐོག་ནས། ས་ཡོམ་ཁྲོད་ཚན་རིག་དང་མཐུན་ལ་གོ་རིམ་ལྡན་པའི་ངང་ཁ་འགྲེམས་དང་རང་སྐྱོབ་ཇི་ལྟར་བྱེད་པའི་ཐད་འགྲེལ་བཤད་དང་མཛུབ་ཁྲིད་བྱས་ཏེ། དགེ་སློབ་ཚོས་བག་ཕེབས་སྤྲོ་སྣང་གི་རྣམ་པའི་ཁྲོད་ནས་ཡོམ་འགོག་གེགས་སེལ་གྱི་ཤེས་བྱ་ཁོང་དུ་ཆུད་པར་བྱས་པ་རེད།