ཀྲུང་གོའི་བཟོ་ཚོང་དངུལ་ཁང་ཆབ་མདོ་ཡན་ལག་དངུལ་ཁང་གིས་ཆབ་མདོ་གྲོང་ཁྱེར་ཇ་རྟའི་རིག་གནས་ཡུལ་སྐོར་འཕེལ་རྒྱས་ཚོགས་པ་དང་འཐབ་ཇུས་མཉམ་ལས་ཀྱི་གྲོས་མཐུན་ཡི་གེར་མིང་རྟགས་བཀོད་པ།

གསར་འགྱུར་སྤེལ་དུས། 　【2024-12-20 09:00:00】

འདི་ག་ཚགས་པར་ཁང་དུ་གནས་ཚུལ་འབྱོར་གསལ། ཟླ12ཚེས17ཉིན། ཀྲུང་གོའི་བཟོ་ཚོང་དངུལ་ཁང་ཆབ་མདོ་གྲོང་ཁྱེར་ཡན་ལག་དངུལ་ཁང་དང་ཆབ་མདོ་གྲོང་ཁྱེར་ཇ་རྟའི་རིག་གནས་ཡུལ་སྐོར་འཕེལ་རྒྱས་ཚོགས་པས་དངུལ་རྩའི་རྒྱབ་སྐྱོར་དང་རིག་གནས་ཡུལ་སྐོར་ཁྱབ་ཁོངས་ཀྱི“རིག་གནས་དར་སྤེལ་དང་། ལུས་གསོར་སྐུལ་འདེད་གཏོང་བའི”འཐབ་ཇུས་མཉམ་ལས་ཀྱི་སྒྲོམ་གཞིའི་གྲོས་མཐུན་ཡི་གེར་མིང་རྟགས་བཀོད་པའི་མཛད་སྒོ་འཚོགས་པ་རེད།ཚོགས་འདུའི་ཐོག ཚོགས་ཞུགས་མི་སྣས་ཇ་རྟའི་རིག་གནས་ཀྱི་དྲིལ་བསྒྲགས་བརྙན་པར་དང་བཟོ་ཚོང་དངུལ་ཁང་གི་དྲིལ་བསྒྲགས་བརྙན་པར་ལ་གཟིགས་པ་དང་། ཀྲུང་གོའི་བཟོ་ཚོང་དངུལ་ཁང་ཆབ་མདོ་ཡན་ལག་དངུལ་ཁང་དང་ཆབ་མདོ་གྲོང་ཁྱེར་ཇ་རྟའི་རིག་གནས་ཡུལ་སྐོར་འཕེལ་རྒྱས་ཚོགས་པའི་འབྲེལ་ཡོད་འགན་འཁུར་བས་འཐབ་ཇུས་མཉམ་ལས་ཀྱི་གྲོས་མཐུན་ཡི་གེར་མིང་རྟགས་བཀོད་པ་རེད།ད་ཐེངས་ཀྱི་གན་རྒྱ་བཞག་པའི་མཛད་སྒོ་དེ་ནི་ཀྲུང་གོའི་བཟོ་ཚོང་དངུལ་ཁང་ཆབ་མདོ་ཡན་ལག་དངུལ་ཁང་དང་ཆབ་མདོ་གྲོང་ཁྱེར་ཇ་རྟའི་རིག་གནས་ཡུལ་སྐོར་འཕེལ་རྒྱས་ཚོགས་པས་རིག་གནས་དང་ཡུལ་སྐོར་ལས་དོན་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་མཛུབ་སྟོན་གལ་ཆེན་དང་། ཀྲུང་དབྱང་གི་ཐབས་ཇུས་བཀོད་སྒྲིག་ནུས་ཤུགས་ཡོད་རྒུས་དོན་འཁྱོལ་བྱས་ཏེ། རིག་གནས་ཡུལ་སྐོར་མ་འཇོག་དང་འཛད་སྤྱོད་ཀྱི་མི་མངོན་པའི་སྟོབས་ཤུགས་དང་གསོན་ཤུགས་འཕེལ་བ་བྱས་ནས། རིག་གནས་ཡུལ་སྐོར་ཐོན་ལས་སྤུས་ཚད་མཐོ་བའི་ངང་འཕེལ་རྒྱས་འགྲོ་རྒྱུར་སྐུལ་འདེད་གཏོང་བའི་བྱ་ཐབས་གལ་ཆེན་ཞིག་རེད།