རང་རེའི་གྲོང་ཁྱེར་གྱི“དྲོ་སྐྱིད”ས་ཚིགས་གསར་པ་ཁག་དང་པོ་དངོས་སུ་བེད་སྤྱོད་གཏོང་འགོ་ཚུགས་པ།

གསར་འགྱུར་སྤེལ་དུས། 　【2024-12-20 09:00:00】

འདི་ག་ཚགས་པར་ཁང་དུ་གནས་ཚུལ་འབྱོར་གསལ། ཟླ་12ཚེས་17ཉིན་གྱི་ཕྱི་དྲོ། གྲོང་ཨུད་སྤྱི་ཚོགས་ལས་དོན་པུའུ(གཉིས་གསར་ལས་དོན་ཨུ་ལྷན)ཡིས་གུང་གཞོན་སྡེ་ཚོགས་ཀྱི་གྲོང་ཨུད་དང་མཉམ་སྐྲུན་བྱས་པའི་“དྲོ་སྐྱིད་ལྡན་པའི་”ས་ཚིགས་གསར་པ་ཁག་དང་པོའི་སྒོ་བྱང་ཁ་ཕྱེ་བའི་མཛད་སྒོ་སྤེལ་བ་དང་། གྲོང་ཨུད་སྤྱི་ཚོགས་ལས་དོན་པུའུ་དང་། གུང་གཞོན་སྡེ་ཚོགས་གྲོང་ཨུད། གྲོང་ཁྱེར་དྲ་སྦྲེལ་ལས་རིགས་ཏང་ཨུད། གྲོང་ཁྱེར་མྱུར་སྐྱེལ་ལས་རིགས་ཏང་ཨུད་བཅས་ཀྱི་འབྲེལ་ཡོད་འགན་འཁུར་བློ་མཐུན་དང་ལས་ཞུགས་གསར་པའི་ཚོགས་སྤྱིའི་འཐུས་མི་སོགས་མི་20ལྷག་ཙམ་མཛད་སྒོར་ཞུགས་ཡོད།

དྲོ་སྐྱིད་ལྡན་པའི་ས་ཚིགས་གསར་པ་ནང་སྒྲོག་ཙེ་རྐུབ་སྟེགས་དང་། ཆུ་སྐོལ་ཆས། དྲོད་སྲུང་ཡོ་བྱད། མྱུར་སྐྱོབ་སྨན་སྒམ། ཆར་གདུགས། དཔེ་དེབ། ཉམས་བཟོའི་ཡོ་བྱད་སྒམ། གློག་གསོག་འཕྲུལ་ཆས་སོགས་སྒྲིག་བཀོད་སྒྲིག་ཆས་འཐུས་ཚང་བྱས་ཤིང་།ལས་ཞུགས་བྱེད་མཁན་གསར་པ་ཚོར་དྲོ་སྐྱིད་ལྡན་པའི་ངལ་གསོ་དང་ལས་ཀའི་ཁོར་ཡུག་ཅིག་བཟོས་ཡོད་པ་རེད།

ཤེས་རྟོགས་བྱུང་བར་གཞིགས་ན། མིག་སྔར་གྲོང་ཁུལ་ནང་ཁག་དང་པོའི་མཉམ་འབྲེལ་འཛུགས་སྐྱོང་གི་བྱེད་ཐབས་སྤྱད་ནས་བཟོས་པའི་དྲོ་སྐྱིད་ལྡན་པའི་ས་ཚིགས་གསར་པ4ཡོད་པ་ལས་གཅིག་དེ་གོང་གི་ཉིན་དེར་སྒོ་བྱང་ཁ་ཕྱེ་བ་ཕུད། དེ་མིན་གྱི་ཆབ་མདོ་ནུབ་ལམ་གྱི་ཆབ་མདོ་གྲོང་ཁྱེར་གྱི་གཞོན་ནུ་དང་བླངས་པའི་ཞབས་ཞུའི་ས་ཚིགས་དང་། སྟག་རྩ་ཐང་གི“ཆབ་མདོ་གྲོང་ཁྱེར་མེ་ཟོན་ཉིང་ལག་རུ་ཁག་གི་སྔོ་ལྗང་གི་ཁྱིམ”དང་། ཁྲོམ་ཆེན་ཁྲོམ་གཞུང་གི་རྒན་གསོ་ཞབས་ཞུའི་ལྟེ་གནས། བཟོ་ཚོགས་ཕྱི་རོལ་ངལ་རྩོལ་པའི་ཞབས་ཞུའི་ས་ཚིགས། བདེ་སྐྱིད་ཁུལ་ཆུང་ས་ཚིགས་བཅས་གསུམ་ཡང་དུས་གཅིག་ཏུ་བེད་སྤྱོད་གཏོང་འགོ་ཚུགས་རྒྱུ་ཡིན་པ་རེད།