“ཕན་ནུས་ཆེ་བའི་ངང་དོན་དག་གཅིག་བསྒྲུབ་རྒྱུ”དེ་ཆབ་མདོའི་སྲིད་དོན་ཞབས་ཞུའི་རྒྱུན་རྣམ་གསར་པ་ཞིག་ཏུ་གྱུར་པ།

གསར་འགྱུར་སྤེལ་དུས། 　【2024-12-24 09:00:00】

འདི་ག་ཚགས་པར་ཁང་དུ་གནས་ཚུལ་འབྱོར་གསལ། ཟླ12པའི་ཚེས18ཉིན་ཆབ་མདོ་གྲོང་ཁྱེར་སྲིད་འཛིན་ཞིབ་མཆན་དང་དམངས་ཕན་ཞབས་ཞུ་ཅུས་ཀྱིས་སློབ་གསོ་དང་། གྲོང་ཁྱེར་ཁྲོམ་ར་ལྟ་སྐུལ་དོ་དམ་ཅུས། གྲོང་ཁྱེར་དོ་དམ་སོགས“ཕན་ནུས་ཆེ་བའི་ངང་དོན་དག་གཅིག་བསྒྲུབ་རྒྱུ”དྲ་འོག་ལས་སྒྲུབ་མཉམ་འབྲེལ་ལས་སྒྲུབ་ཀྱི་སྣེ་ཁྲིད་ཚན་པ་སྒྲིག་འཛུགས་བྱས་ཏེ་ཞིབ་ཕྲའི་ལས་སྒོའི་འཕེལ་རིམ་གནས་ཚུལ་བརྡ་ཁྱབ་དང་། མིག་སྔའི་དུས་བབ་ལ་དབྱེ་ཞིབ་དང་བརྡར་གཅོད། ཉེ་དུས་ཀྱི་གཙོ་གནད་ལས་དོན་བཀོད་སྒྲིག་བཅས་བྱས་ནས“དམངས་ཀྱི་རེ་འབོད་ལ། སྲིད་ཀྱིས་་བརྡ་ལན་ཞུ”གང་ཐུབ་བྱེད་དགོས།“ཕན་ནུས་ཆེ་བའི་ངང་དོན་དག་གཅིག་བསྒྲུབ་རྒྱུ”སྒྱུར་བཅོས་ནི་སྲིད་གཞུང་གི་བཅོས་སྐྱོང་མ་ལག་དང་བཅོས་སྐྱོང་ནུས་པ་དེང་རབས་ཅན་དུ་འགྱུར་བར་སྐུལ་འདེད་གཏོང་བའི་ཐབས་ལམ་ནུས་ལྡན་ཞིག་དང་། ཚོང་གཉེར་ཁོར་ཡུག་ལེགས་སུ་གཏོང་བ་དང་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་བའི་དམ་འཛིན་བྱ་གཞི་གལ་ཆེན་ཞིག་རེད། འགན་འཁྲིའི་ཚན་པ་ཁག་གིས“ཕན་ནུས་ཆེ་བའི་ངང་དོན་དག་གཅིག་བསྒྲུབ་རྒྱུ”གལ་འགངས་ཤིན་ཏུ་ཆེ་བའི་རང་བཞིན་ལ་ངོས་འཛིན་གང་ལེགས་བྱས་ཚེ“མིག་མངས་འགྲིག་སྐོར་གཅིག”གི་བསམ་བློ་བརྟན་པོ་བཙུགས་ཐོག བསམ་བློ་ཕྱོགས་གཅིག་ཏུ་གཏོང་བ་དང་ངར་ཤུགས་ཕྱོགས་གཅིག་ཏུ་སྒྲིལ་ནས་གོང་འོག་སྦྲེལ་མཐུད་དང་ཕན་ཚུན་མཉམ་འགུལ་གྱི་མཉམ་ཤུགས་ཆེན་པོ་ཞིག་ཆགས་ཐུབ། དུས་ཐོག་ཏུ“ཕན་ནུས་ཆེ་བའི་ངང་དོན་དག་གཅིག་བསྒྲུབ་རྒྱུའི”ལས་དོན་སྒྲུབ་པའི་ཕྱོགས་སྟོན་དང་ལས་སྒོའི་རྣམ་པ་འཐུས་ཚང་དུ་གཏོང་བ་དང་། ཞབས་ཞུའི་ཁྱབ་ཁོངས་རྒྱ་ཆེར་གཏོང་བ། ལས་སྒོའི་ཆུ་ཚད་མཐོ་རུ་གཏོང་བ་བཅས་བྱས་ཚེ“ལྷུ་ཚིགས་དང་། དཔྱད་གཞི། དུས་བཀགབྱ་སྤྱོད་བཅས་ཉུང་གཏོང་ཐུབ་ནས་ཁེ་ལས་ཀྱི་མང་ཚོགས་དེ་བས་མང་བས་ཆབ་མདོའི་སྲིད་དོན་ཞབས་ཞུའི“མྱུར་ཚད”དང“དྲོད་ཚད”ཚོར་ཐུབ།

འགན་འཁྲིའི་སྡེ་ཚན་ཁག་གིས་རང་འགུལ་ངང་ལས་ཀའི་ལས་འགན་ཁས་ལེན་བྱས་ཏེ་དབྱེ་ཞིབ་དང་ཞིབ་འཇུག་ལ་སྔར་བས་ཤུགས་སྣོན་རྒྱག་པ་དང་། རང་འགུལ་ངང་ཇུས་འགོད་དང་། མཐུན་སྦྱོར་ལ་ཤུགས་སྣོན། ལས་བགོས་ཞིབ་བཟོ། ལས་འགན་ཁ་གསལ་བཅས་བྱས་ཏེ“ཕན་ནུས་ཆེ་བའི་ངང་དོན་དག་གཅིག་བསྒྲུབ་རྒྱུར”དམིགས་ཏེ་མཉམ་ཤུགས་འགག་སྒྲོལ་དང་སྤུས་ཚད་མཐོ་བའི་ངང་ལས་དོན་དོན་འཁྱོལ་ལ་སྐུལ་འདེད་གཏོང་རྒྱུ་ཡིན་ཞེས་བཤད་པ་རེད།