ཁམས་པའི་སྤུས་ལེགས་དབྱར་རྩྭ་དགུན་འབུའི་འགྲན་སྡུར་སྐབས་དང་པོ་གཉེར་བ།

གསར་འགྱུར་སྤེལ་དུས། 　【2024-12-24 09:00:00】

རིགས་གཅིག་མཁས་ཅན་དཔྱད་འདེམས་ཚོགས་ཆུང་གིས་དབྱར་རྩྭ་དགུན་འབུར་ལྟ་ཞིབ་བྱེད་བཞིན་པ།

འདི་ག་ཚགས་པར་ཁང་དུ་གནས་ཚུལ་འབྱོར་གསལ། ཟླ12པའི་ཚེས20ཉིན་ཆབ་མདོ་གྲོང་ཁྱེར་མི་དམངས་སྲིད་གཞུང་གིས་གཙོ་སྒྲུབ་བྱས་པ་དང་། གྲོང་ཁྱེར་ཚོང་དོན་ཅུས་དང་གྲོང་ཁྱེར་ནགས་ལས་དང་རྩྭ་ཐང་ཅུས་དེ་བཞིན་གྲོང་ཁྱེར་ཁྲོམ་ར་ལྟ་སྐུལ་དོ་དམ་ཅུས་བཅས་ཀྱིས་མཉམ་སྒྲུབ་བྱས་པའི་ཁམས་པའི་སྤུས་ལེགས་དབྱར་རྩྭ་དགུན་འབུའི་འགྲན་སྡུར་སྐབས་དང་པོ་དེ་ཇ་རྟ་ཐང་ཆེན་དུ་གཟབ་རྒྱས་ངང་གཉེར་བ་རེད།

ཐེངས་འདིའི་འགྲན་སྡུར་ནང་གྲོང་ཁྱེར་ཡོངས་ཀྱི་རྫོང་ཁག་བཅུ་གཅིག་གི་དབྱར་རྩྭ་དགུན་འབུའི་འགྲེམས་གནས་གོ་རིམ་ལྟར་སྒྲིག་ཡོད་པ་དང་ལྟད་མོ་བ་གང་མང་ཞིག་གི་ཡིད་དབང་ཅིག་ཅར་འཕྲོག་ཡོད་པ་རེད།

འགྲན་བསྡུར་ཆེན་པོའི་རིགས་གཅིག་མཁས་ཅན་ཞིབ་དཔྱད་ཚོགས་པ་ནི་ཀོང་ཀྲོའུ་དང་། སི་ཁྲོན། ཨའོ་མོན། ནག་ཆུ། མཚོ་སྔོན་སོགས་ནས་ཡིན་ཞིང་། དཔྱད་ཞིབ་བྱེད་སྐབས་དབྱར་རྩྭ་དགུན་འབུའི་ཆེ་ཆུང་དང་། སྤུས་ཚད། བརླན་ཚད། ཚོས་གཞི་སོགས་ཀྱི་ཚད་གཞི་མང་པོ་གཞིར་བཟུང་ནས་དཔྱད་འདེམས་བྱས་ཡོད། ཞིབ་དཔྱད་བྱེད་རིང་རིགས་གཅིག་མཁས་ཅན་ཚོས་བློ་རྩེ་གཅིག་སྒྲིམ་ངང་དབྱར་རྩྭ་དགུན་འབུའི་མ་དཔེ་ཚང་མར་ལྟ་ཞིབ་དང་ཚོད་སྐོར་ཞིབ་ཚགས་བྱས་པ་དང་ཆབས་ཅིག་སྤེལ་རེས་དང་གྲོས་བསྡུར་གཏིང་ཟབ་བྱས་པ་རེད།

མཇུག་མཐར་སྟེང་ཆེན་རྫོང་གི་ནོར་ལྷ་ལ་དབྱར་རྩྭ་དགུན་འབུའི་རྒྱལ་པོ་ཞེས་པའི་བྱ་དགའ་ཨང་དང་པོ་ཐོབ་ཡོད།