ལྷོ་རོང་རྫོང་གིས་སྐྱ་གྲིབ་ཕོག་པའི་ནད་པར་རིན་མེད་གཤགས་བཅོས་བྱས་པ།

གསར་འགྱུར་སྤེལ་དུས། 　【2026-08-06 17:41:00】

འདི་ག་ཚགས་པར་ཁང་དུ་གནས་ཚུལ་འབྱོར་གསལ། ཉེ་ཆར། ཆབ་མདོ་གྲོང་ཁྱེར་ལྷོ་རོང་རྫོང་མི་དམངས་སྨན་ཁང་གིས་ཟླ་བའི་འོད་སྣང་ཚོགས་པ་དང་མཉམ་འགུལ་གྱིས་སྤྱི་ཕན་སྨན་བཅོས་སྐྱོབ་བཅོས་ཀྱི་ཞབས་ཞུ་སྤེལ་ཏེ། གཅིག་སྡུད་ཐོག་རྫོང་ཁོངས་ཀྱི་སྐྱ་གྲིབ་ཕོག་པའི་ཞིང་འབྲོག་པ23ལ་རིན་མེད་གཤགས་བཅོས་བྱས་ནས་སླར་ཡང་འོད་སྣང་མཐོང་ཐུབ་པ་བྱུང་ཡོད་པ་རེད།

མང་ཚོགས་ལ་དོན་དངོས་ཏན་ཏིག་བསྒྲུབ་ཆེད། ལྷོ་རོང་རྫོང་མི་དམངས་སྨན་ཁང་གི་མིག་ནད་ཚན་ཁག་གིས་སྔ་ནུར་དུ་ཤང་དང་གྲོང་རྡལ་ཁག་ཏུ་བསྐྱོད་དེ་མིག་ནད་ཞིབ་བཤེར་བྱས་པ་དང་ཆབས་ཅིག་ཏུ་མིག་ལ་གཅེས་སྐྱོང་དང་སྲུང་སྐྱོབ་བྱེད་པའི་བདེ་ཐང་ཤེས་བྱ་ཁྱབ་གདལ་དང་དྲིལ་བསྒྲགས་བྱས་པའི་ཁར། དཀའ་ངལ་ཡོད་པའི་ནད་པ་མང་ཚོགས་ཤེས་རྟོགས་དང་གཙོ་གནད་ཐོ་འགོད་ཀྱིས་སྨན་བཅོས་ཐོན་ཁུངས་ཐད་ཀར་མང་ཚོགས་ལ་ཕན་ཐོགས་པར་འགན་ལེན་བྱས་ཡོད་པ་རེད། ཟླ་བའི་འོད་སྣང་ཚོགས་པའི་རིགས་གཅིག་མཁས་ཅན་གྱིས་གཞོགས་འདེགས་དམ་ཟབ་བྱས་ཏེ་གཤགས་བཅོས་སྔོན་གྱི་ཞིབ་བཤེར་དཔྱད་དཔོག་དང་། གཤགས་བཅོས་སྐབས་ཀྱི་ཚད་ལྡན་བརྒྱུད་རིམ། གཤགས་བཅོས་རྗེས་ཀྱི་ལུས་གསོ་ནད་སྐྱོང་སོགས་ཀྱི་བརྒྱུད་རིམ་ཧྲིལ་པོར་དམ་འཛིན་ཏན་ཏིག་བྱས་པས་ཚད་གཞི་མཐོན་པོས་གཤགས་བཅོས་ལེགས་གྲུབ་བྱུང་ཡོད་པ་རེད། ཤེས་རྟོགས་བྱུང་བར་གཞིགས་ན། ཉེ་བའི་ལོ་ཤས་རིང་། ལྷོ་རོང་རྫོང་མི་དམངས་སྨན་ཁང་གི་མིག་ནད་ཚན་ཁག་གི་ལག་རྩལ་གྱི་སྤུས་ཚད་མཐོར་གཏོང་ཆེ་རུ་ཕྱིན་པ་དང་དམངས་ཕན་ཞབས་ཞུ་ལེགས་སུ་སོང་ཡོད། 2026ལོའི་ལོ་སྟོད་དུ། ཚན་ཁག་གིས་ཁྱོན་མིག་ནད་ཡོད་པའི་མང་ཚོགས168ལ་སྨན་བཅོས་བྱས་པ་དང་། རྒྱུན་རྣམ་ཅན་གྱིས་མིག་ལ་སྲུང་སྐྱོབ་བྱེད་པའི་ཚན་རྩལ་དྲིལ་བསྒྲགས་སྤེལ་ཏེ་མང་ཚོགས་ཀྱིས་ཚན་རིག་དང་མཐུན་པའི་སྒོ་ནས་མིག་ལ་སྲུང་སྐྱོབ་བྱེད་པའི་འདུ་ཤེས་མཐོ་རུ་ནུས་ལྡན་བཏང་སྟེ། མིག་ནད་ཅན་གྱི་ནད་འཕར་བའི་ཉེན་ཁ་ཉུང་དུ་རྩ་བ་ནས་ཕྱིན་ཡོད།